De conformidade co disposto no título IX da Lei 54/1997, do 27 de novembro, do sector eléctrico (BOE do 28 de novembro), e decretos 2617 e 2619/1966, do 20 de outubro, sobre instalacións eléctricas (BOE do 24 de outubro), de aplicación transitoria, incóase o expediente e sométese a información pública a solicitude de Unión Eléctrica-Fenosa, S.A. con enderezo na Avda. de Arteixo, 171 da Coruña, como entidade beneficiaria, para a autorización administrativa; a declaración de utilidade pública, que levará implícita a urxente ocupación para os efectos de expropiación forzosa e imposición de servidumes de paso sobre os bens e dereitos que se afecten, e aprobación do proxecto de execución das instalacións de:

A liña eléctrica aérea a 15/20 kV sobre apoios de formigón en conductor LA-56, de 323 m de lonxitude, con orixe no apoio nº 6 da liña Caión-Albite e final no C.T. Xermaña, que se instalará. Centro de transformación, sobre apoio de formigón, de 100 kVA e tensións de 15-20/0,380-0,220 kV, en Xermaña, do que parte rede de baixa tensión, sobre apoios de for

migón e conductor R.Z. de 263 m de lonxitude. Coa finalidade de mellora-la seguridade e calidade da subministración da zona de Xermaña. No termo municipal de Laracha. (Expediente 28/1999).

En consecuencia, calquera persoa e os interesados que figuran na relación anexa, ós que se lles practica notificación individual, por xestión directa ante a entidade beneficiaria, poderán rectifica-la titularidade dos predios, se este é o caso, e solicitar datos para a identificación dos bens que se afecten; e examina-lo proxecto nesta delegación, sección 3ª enerxía, 2ª andar, edificio administrativo (Monelos), praza de Luís Seoane, s/n, 15071 - A Coruña, podendo formular por escrito alegacións en razón do disposto na Lei 54/1997 e nos decretos citados, dentro do prazo de trinta días seguintes á presente publicación.

Esta publicación realízase igualmente para os efectos do artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, de resulta-los titulares dos predios propostos como descoñecidos ou se ignore o lugar de notificación; e así dirixir ó Ministerio Fiscal as dilixencias que se produzan, de conformidade co artigo 5 da Lei de expropiación forzosa do 16 de decembro de 1954.

A Coruña, 1 de marzo de 1999.

Jesús Espada Martínez

Delegado provincial da Coruña

Relación de propietarios, bens e dereitos afectados

Expediente 28/1999.Provincia: A Coruña.

L.M.T., C.T., R.B.T. Xermaña.Concello: Laracha.

SoloVoo

NºLugarCultivoNome e apelidosEnderezoNº apoiommlm