Os puntos 1 e 2 da base cuarta da resolución deste centro directivo do 28 de decembro de 1998 (DOG nº 9, do 15 de xaneiro), pola que se convoca concurso-oposición para o ingreso nas categorías de persoal estatutario do Servicio Galego de Saúde de grupo técnico da función administrativa, grupo de xestión da función administrativa, traballador social, cociñeiro, ATS/DUE, matrona, fisioterapeuta, logopeda, TEL, TER, TEAP, hixienista dental, auxiliar de enfermería, grupo auxiliar da función administrativa, persoal de servicios xerais, celador e pinche, prevén que, unha vez rematado o prazo de presentación de instancias para cada unha das categorías convocadas, clasificadas e revisadas estas, esta división dicte resolución declarando, con carácter provisional, os aspirantes admitidos e excluídos, co motivo da exclusión para cada unha das citadas categorías, así como a súa publicación.
Por todo isto, esta división
ACORDA:
Primeiro.-Declarar, con carácter provisional, os aspirantes admitidos e excluídos para participaren no concurso-oposición para o acceso ás devanditas categorías de persoal estatutario do Servicio Galego de Saúde convocado por Resolución do 28 de decembro de 1988.
Segundo.-As listaxes coa relación de aspirantes admitidos e excluídos, coas correspondentes causas de exclusión, poderán examinarse nos seguintes lugares:
a) Na Secretaría Xeral da Consellería de Sanidade e Servicios Sociais.
b) Na División de Recursos Humanos do Servicio Galego de Saúde.
c) Na oficina de Información ó cidadán da Consellería da Presidencia e Administración Pública.
d) Nas delegacións provinciais da Consellería de Sanidade e Servicios Sociais.
e) Nas direccións provinciais do Servicio Galego de Saúde.
f) Nos servicios de persoal dos centros ou complexos hospitalarios da rede pública do Servicio Galego de Saúde.
g) Nos servicios de persoal das administracións das xerencias de Atención Primaria do Servicio Galego de Saúde.
h) Na Casa de Galicia en Madrid, sita na rúa Casado de Alisal, número 8.
Terceiro.-Os apirantes excluídos disporán dun prazo de quince días naturais, contados a partir do día seguinte ó da publicación desta resolución no Diario Oficial de Galicia, para poderen emendar, se é o caso, o defecto que motivou a súa exclusión.
Santiago de Compostela, 23 de marzo de 1999.
Valeriano Martínez García
Director xeral da División de Recursos Humanos