En cumprimento do disposto no artigo 22.1º da Lei 3/1985, do 12 de abril, do patrimonio da Comunidade Autónoma e 55 do seu regulamento, e á vista das competencias que teño atribuídas conforme o Decreto 13/1997, do 23 de xaneiro, polo que se fixa a estructura orgánica da Consellería de Economía e Facenda

RESOLVO:

Facer público que, por razón das necesidades do servicio e a urxencia na afectación, en virtude do disposto no artigo 55.1º do Decreto 50/1989, do 9 de marzo, polo que se aproba o regulamento para a execución da Lei 3/1985, do patrimonio da Comunidade Autónoma de Galicia, xustifícase, logo da fiscalización da Intervención Delegada da Consellería de Economía e Facenda e por proposta do organismo autónomo Augas de Galicia, a utilización do procedemento de contratación directa no aluguer dun inmoble sito na rúa Rodríguez de Viguri, 47-baixo, termo municipal de Santiago de Compostela, para dependencias administrativas.

Santiago de Compostela, 12 de marzo de 1999.

Emilio Álvarez Rey

Secretario xeral e do Patrimonio da Consellería

de Economía e Facenda