En cumprimento do disposto no artigo 22.1º da Lei 3/1985, do 12 de abril, do patrimonio da Comunidade Autónoma e 55 de seu regulamento, e á vista das competencias que teño atribuídas conforme o Decreto 13/1997, do 23 de xaneiro,
RESOLVO:
Facer público que, por razón das necesidades do servicio que se debe satisfacer e das limitacións do mercado inmobiliario xustifícase, logo da fiscalización da Intervención Delegada da Consellería de Economía e Facenda e por proposta da Consellería de Familia e Promoción do Emprego, Muller e Xuventude, a utilización do procedemento de contratación directa no aluguer do local sito na rúa Nova, esquina rúa Velázquez-baixo, de Sarria (Lugo), para instalación de dependencias da Comunidade Autónoma de Galicia.
Santiago de Compostela, 11 de marzo de 1999.
Emilio Álvarez Rey
Secretario xeral e do Patrimonio da Consellería
de Economía e Facenda