Camilo J. García Puertas Magariños, secretario do Xulgado do Social número dous de Santiago de Compostela, fai saber:

Que neste xulgado se seguen os autos arriba mencionados, promovidos por Manuel Pereira Salvado, nos que se acordou citar por edictos o demandado en paradoiro descoñecido ASSA Asfaltos Sureste S.A. para que o día 7 de abril, ás 10 horas, compareza na sala de audiencia deste xulgado ós actos de conciliación e xuízo previstos para esa data. Advírteselle de que a súa incomparecencia inxustificada non impedirá a realización dos devanditos actos, de que continuará o procedemento o seu curso e que as seguintes comunicacións que se lle deban facer realizaranse nos estrados deste xulgado, agás as que deban revesti-la forma de auto ou sentencia ou se trate de emprazamento. Tamén se lle advirte de que pode comparecer ou defenderse persoalmente ou por medio de representante designado mediante poder cumprido, mediante comparecencia perante este xulgado ou de primeira instancia ou de paz do seu domicilio; e de que deberá acudir con tódolos medios

de proba de que intente valerse. Comunícaselle tamén que as copias da demanda e documentos que con ela se achegan están á súa disposición na secretaría deste xulgado.

Así mesmo, requírese o devandito demandado para que o día dos actos de conciliación e xuízo achegue os seguintes documentos: o contrato de traballo, as follas de salario, boletíns de cotización á Seguridade Social e o libro de matrícula. Igualmente, cítase o representante legal da demandada para que o día sinalado compareza perante este xulgado co obxecto de prestar confesión xudicial.

E par que se publique no Diario Oficial de Galicia e lle sirva de notificación, citación e requirimento ó demandado en paradoiro descoñecido ASSA Asfaltos Sureste S.A., expido, selo e asino este edicto en Santiago de Compostela o 16 de marzo de 1999.

O secretario

Rubricado