Visto o expediente da revisión salarial para o ano 1999 do convenio colectivo do sector de confeiterías, pastelerías, masas fritas, bolos e xelados artesáns que tivo entrada nesta delegación provincial o día 19-2-1999, subscrito en representación da parte económica pola Asociación Provincial de Empresarios de Confeiterías, Pastelerías, Masas Fritas, Bolos e Xelados Artesáns e, da parte social por UGT o día 28-1-1999, de conformidade co disposto no artigo 90.2º e 3º do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia en materia de traballo, esta delegación provincial

ACORDA:

Primeiro.-Ordena-la súa inscrición no libro de rexistro de convenios colectivos de traballo existente nesta delegación provincial, e notificación ás representacións económica e social da comisión negociadora.

Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.

Terceiro.-Dispoñe-la súa publicación no Diario Oficial de Galicia.

A Coruña, 26 de febreiro de 1999.

P.S. (Decreto 227/1998, do 10 de xullo)

Mª José Cimadevila Cea

Secretaria provincial da Coruña

Reunión da comisión paritaria do convenio colectivo de confeiterías, pastelerías, masas fritas, bolos e xeados artesáns, da provincia da Coruña.

Parte empresarial:

Manuel Iglesias García.

José Antonio Beiras Troiteiro.

Arsenio Prieto Martínez.

Parte social:

Fernando Vázquez Martínez, UGT.

Sendo as 11 horas do día 28 de xaneiro de 1999, nos locais da dita asociación de empresarios reú-

nense os membros da dita comisión co fin de aproba-la revisión salarial pactada no convenio colectivo do ano 1998. Dado que o IPC previsto polo Goberno para o ano 1999 é do 1,8% e o incremento pactado foi este máis medio punto, procede aumenta-la táboa salarial nun 2,3%, que se fará efectivo con carácter retroactivo do 1 de xaneiro de 1999, e reflectirase nas táboas anexas para engadirllo ó convenio colectivo.

O artigo 6 do vixente convenio referente ó plus de transporte establécese en 266 pesetas diarias.

Así mesmo, autorízase a Fernando Vázquez Martínez para que proceda ó seu rexistro e publicación.

Ás 13.30 horas levántase a sesión e asínase esta acta en sinal de conformidade.

Táboa de salarios 1999