En virtude do ordenado polo alcalde, poño no seu coñecemento que, na sesión ordinaria, celebrada o día catro de xaneiro de mil novecentos noventa e nove, a Comisión de Goberno adoptou, entre outros, o seguinte acordo:

2º. Dictames e adopción de acordos da Comisión Informativa de Urbanismo e Medio Ambiente, correspondente ó día 22 de decembro de 1998.

Proxectos de compensación:

Dáse conta do expediente (43/1998 COM), promovido por Eduardo Tudoli Baladrón, en representación de Proflat, S.L., presentando escrito con número de rexistro de entrada 12.799, de data 25 de novembro de 1998 ó que se xunta proxecto de compensación da unidade de actuación (UA-24, 40) en Ponte do Ba-Arteixo, segundo proxecto redactado polo arquitecto José Miguel Vázquez García.

Atendido que no expediente incoado para o efecto consta informe favorable conxunto xurídico e técnico emitido pola secretaria xeral deste concello e polo arquitecto municipal, de data 1 de decembro de 1998, do seguinte teor literal:

Por escrito con rexistro de entrada 12.798 de 25 de novembro de 1998, Eduardo Tudoli Baladrón, en representación de Proflat, S.L., con DNI 32.407.575 e NIF B-15663396, como propietaria de terreos incluídos na unidade de actuación 24, 40 (UA-24, 40), sitos en Ponte do Ba-Arteixo, preséntase proxecto de compensación da referida unidade.

Lexislación aplicable:

Lei 1/1997, do 24 de marzo, do solo de Galicia.

R.G.U. R.D. 3288/1978, do 25 de agosto.

Lei 5/1997, do 22 de xullo, de Administración local de Galicia.

Lei 6/1998, do 13 de abril, sobre réxime do solo e valoracións.

A aprobación inicial do proxecto de compensación correspóndelle á xunta de compensación, segundo o número 8 do artigo 133 da Lei 1/1997.

No caso que nos ocupa, por tratarse de propietario único, non existe xunta de compensación, polo que o mero feito da súa presentación ante a Administración polo propio interesado temos que equiparalo formalmente á devandita aprobación.

O expediente debe someterse a información pública polo prazo de vinte días, con citación persoal dos interesados e a través da correspondente publicación no Diario Oficial de Galicia.

O presente documento tramítase para levar a efecto a localización dos terreos de cesión obrigatoria, é dicir, aqueles nos que se asentarán os espacios libres, as zonas verdes e as vías. Tamén contén a localización dos aproveitamentos edificatorios que en desenvolvemento do planeamento ó que se refire

é posible materializar, e, en particular, a parcela edificable na que se sitúa o 10% que corresponde ó concello.

O proxecto contén as determinacións que se sinalan no artigo 172 do Regulamento de xestión urbanística, R.D. 3288/1978, do 25 de agosto.

Por isto, proponse:

Acorda-lo inicio do procedemento correspondente para a tramitación do expediente de proxecto de compensación da zona correspondente da unidade de actuación 24.40 (UA-24, 40), na Ponte do Ba, Arteixo, procedendo a efectua-las notificacións que sinala o artigo 102.4º da Lei 1/1997.

A Comisión de Goberno, examinado o expediente, tomando en consideracióin o informe conxunto do arquitecto municipal e da secretaria xeral, e vista a Lei 1/1997, do 24 de marzo, do solo de Galicia, o R.G.U., R.D. 3288/1978, do 25 de agosto, a Lei 5/1997, do 22 de xullo, da Administración local de Galicia, a Lei 6/1998, do 13 de abril, sobre réxime do solo e valoracións, o vixente texto refundido das normas subsidiarias de planeamento deste termo municipal e demais normativa de xeral e pertinente aplicación, e visto, así mesmo, o dictame emitido pola comisión informativa, en votación ordinaria e por unanimidade, acorda inicia-lo procedemento correspondente para a tramitación do expediente de proxecto de compensación da zona correspondente da unidade de actuación 24, 40 (UA-24, 40), na Ponte do Ba, Arteixo, procedendo a efectua-las notificacións que sinala o artigo 102.4º da Lei 1/1997.

Contra este acordo poderá interpor recurso contencioso-administrativo perante a Sala do Contencioso-Administrativo do Tribunal Superior de Xustiza de Galicia no prazo de dous meses contados desde o día seguinte ó da súa notificación, segundo o disposto no artigo 46.1º da Lei 29/1998, do 13 de xullo, reguladora da xurisdicción contencioso-administrativa, acreditando ter efectuado a este concello, con carácter previo, a comunicación a que se refire o artigo 110.3º da Lei 30/1992, de réxime xurídico das administracións públicas e do procedemento administrativo común, sen prexuízo do exercicio das demais accións que considere convenientes.

Asinará o duplicado para constancia.

Arteixo, 10 de febreiro de 1999.

María Esther Álvarez Martínez

Secretaria xeral