En virtude do ordenado polo alcalde, poño no seu coñecemento que, na sesión ordinaria, celebrada o día catro de xaneiro de mil novecentos noventa e nove, a Comisión de Goberno adoptou, entre outros, o seguinte acordo:
2º. Dictames e adopción de acordos da Comisión Informativa de Urbanismo e Medio Ambiente, correspondente ó día 22 de decembro de 1998.
Proxectos de urbanización.
Aprobación inicial:
Dáse conta do expediente (44/1998 PUR), promovido por Eduardo Tudoli Baladrón, en representación de Proflat, S.L., presentando escrito con número de rexistro de entrada 12.799 de data 25
de novembro de 1998 ó que se acompaña proxecto de urbanización da unidade de actuación (UA-24, 40) en Ponte do Ba-Arteixo, segundo proxecto redactado polo arquitecto José Miguel Vázquez García.
Atendido que no expediente incoado para efecto constan informes favorables xurídico e técnico emitidos pola secretaria xeral deste concello e polo arquitecto municipal, respectivamente, ámbolos dous de data un de decembro de 1998.
A Comisión de Goberno, examinado o expediente, tomando en consideración os informes favorables do arquitecto municipal e da secretaria xeral, e visto o R.D.L. 1/1992, do 26 de xuño, no non derrogado pola Lei 6/1998, do 13 de abril, o Regulamento de planeamento urbanístico, a Lei 1/1997, do 24 de marzo, a Lei 7/1997, do 14 de abril, no non derrogado pola Lei 6/1998, do 13 de abril, o vixente texto refundido das normas subsidiarias de planeamento deste termo municipal e demais normativa de xeral e pertinente aplicación, e visto así mesmo, o dictame emitido pola comisión informativa, en votación ordinaria e por unanimidade, acorda:
Primeiro.-Aprobar inicialmente o proxecto de urbanización, promovido por Eduardo Tudoli Baladrón, en representación de Proflat, S.L., que ten por obxecto a urbanización da unidade de actuación (UA-24, 40) en Ponte do Ba-Arteixo, segundo proxecto redactado polo arquitecto José Miguel Vázquez García.
Segundo.-Abrir trámite de informacióin pública, anunciándoo no Diario Oficial de Galicia e nun dos diarios de maior circulación da provinica.
Terceiro.-Notifica-lo contido do presente acordo a tódolos propietarios directamente afectados.
Cuarto.-Aprobar provisionalmente a liquidación da taxa con que resulta gravado este proxecto de urbanización, de acordo co seguinte detalle: taxa: 109.428 (O. Fiscal nº 10).
Contra este acordo poderá interpor recurso contencioso-administrativo perante a sala do contencioso-administrativo do Tribunal Superior de Xustiza de Galicia no prazo de dous meses contados desde o día seguinte ó da súa notificación, segundo o disposto no artigo 46.1º da Lei 29/1998, do 13 de xullo, reguladora da xurisdicción contencioso-administrativa, acreditando ter efectuado a este concello, con carácter previo, a comunicación que se refire o artigo 110.3º da Lei 30/1992, de réxime xurídico das administracións públicas e procedemento administrativo común, sen prexuízo do exercicio das demais accións que estime convenientes.
Asinará o duplicado para constancia.
Arteixo, 10 de febreiro de 1999.
María Esther Álvarez Martínez
Secretaria xeral