Convocadas a provisión as prazas dos corpos docentes universitarios que se relacionan no anexo adxunto, e dando cumprimento ó disposto no artigo 6 do Real decreto 1888/1984, do 26 de setembro (BOE do 26 de outubro); artigo 1 do Real decreto 1427/1986, do 13 de xuño (BOE do 11 de xullo), e artigo 17.e) do Real decreto 552/1985, do 2 de abril (BOE do 27),

Esta secretaría xeral resolveu sinala-la celebración dos sorteos correspondentes ás prazas indicadas no citado anexo, co fin de designa-los membros das comisións que han de ser elixidos por este procedemento, para o día 14 de abril de 1999, ás dez horas, realizándose estes polo sistema aprobado pola Comisión Académica do Consello de Universidades na súa reunión do 14 de xullo de 1995, de modo secuencial, segundo a orde en que figuran relacionados no anexo citado.

Os citados sorteos celebraranse no Consello de Universidades (Cidade Universitaria, sen número, 28040 Madrid).

Para os efectos previstos no artigo 1 do Real decreto 1888/1984, do 26 de setembro, a partir da data da presente resolución, faranse públicas as relacións dos profesores que participarán nos sorteos no Consello de Universidades.

Das citadas relacións e no momento do sorteo serán excluídos aqueles profesores que:

-Pertenzan á mesma universidade á que corresponda a praza.

-Fosen designados para formar parte da comisión titular pola universidade á que corresponda a praza.

-Sexan aspirantes e pertenzan á mesma área de coñecemento á que corresponda a praza.

As reclamacións contra as referidas relacións formularanse antes do día 9 de abril de 1999, dirixidas á Secretaría Xeral do Consello de Universidades (Cidade Universitaria, sen número, 28040 Madrid).

Nos concursos nos que existan suficientes profesores do corpo e área de coñecemento a que corresponda a praza, haberá que se ater ó previsto no artigo 1 do Real decreto 1427/1986, do 13 de xuño, que modifica o artigo 6.9º do Real decreto 1888/1984, do 26 de setembro.

O que lle comunico a vostede para o seu coñecemento e efectos.

Madrid, 4 de marzo de 1999.

Vicente Ortega Castro

Secretario xeral

ANEXO

Universidade: Vigo.

Concursos convocados por resolución da universidade do 29-6-1998 e BOE do 18-7-1998.

Concurso nº: 40.Nº sorteo: 37462

Corpo: profesores titulares de universidade.

Área de coñecemento: química orgánica.

Presidente titular: Franco Fernández González.

Vocal secretario titular: M. Lourdes Santana Penín.