En cumprimento do disposto no artigo 4 do Real decreto 873/1977, do 22 de abril, de desenvolvemento da Lei 19/1977, do 1 de abril, e para os efectos previstos nel, faise público que no correspondente servicio desta dirección xeral foron depositados a acta de constitución e os estatutos da Asociación de Técnicos e Instaladores de Estaciones de Servicio de Galicia (Atiesga), que ten os seguintes ámbitos:
Territorial: Comunidade Autónoma de Galicia.
Profesional: poderán pertencer á devandita asociación as persoas físicas e xurídicas que, en réxime de empresa se dediquen a: A) instalación, reparación ou modificación dos aparellos, medios ou sistemas de medida líquidos distintos da auga, destinados a subministración de carburantes e combustibles líquidos; e B) instalación electromecánica de estacións de servicio e instalacións para o consumo propio.
Asinan a acta de constitución: César González Gamallo, e seis persoas máis, que actúan en nome propio ou en nome das empresas que representan.
Santiago de Compostela, 8 de marzo de 1999.
José María Fernández Olea
Director xeral de Relacións Laborais