A Sociedade de Imaxe e Promoción Turística de Galicia, S.A. anuncia a convocatoria para a contratación laboral fixa das seguintes prazas:
A. Centro Superior de Hostalería de Galicia.
A.1 Posto: profesor responsable do departamento de Márketing (REF. MK-299).
1) Funcións principais: responsabilizarse do deseño das materias de márketing (incluíndo elaboración de material, impartición de clases e avaliación de alumnos). Encargarse das áreas comercial, márketing e relacións públicas no funcionamento do CSHG, e supervisar e coordina-lo traballo do persoal ó seu cargo.
2) Prazas: 1 (xornada completa).
3) Requisitos:
-Titulación universitaria e formación específica en márketing.
-Experiencia profesional na área de 18 meses, dos que un mínimo de 6 serán en postos de responsabilidade.
-Experiencia docente de 6 meses.
-Coñecementos de inglés.
4) Valorarase:
-Currículo.
-Coñecementos da área.
-Aptitude docente.
-Ofimática.
-Capacidade de integración e coordinación de equipos de traballo.
5) Probas que se van realizar:
-Exame de coñecementos da área (eliminatorio) sobre: análise e investigación de mercados, márketing estratéxico e ferramentas do márketing Mix. O temario correspondente a esta proba recóllese no anexo I.
-Impartición de clase.
-Planificación docente.
-Proba práctica de Microsoft Word 97 e Microsoft Excel 97.
-Inglés: oral e escrito.
-Entrevista persoal.
-Cuestionario de personalidade.
A.2 Posto: profesor de idiomas (REF. ING-399).
1) Funcións principais: baixo a supervisión do responsable do departamento, colaborar no deseño das materias de idiomas (incluíndo elaboración do material, impartición de clases e avaliación de alumnos).
2) Prazas: 1 (xornada completa).
3) Requisitos:
-Titulación universitaria.
-Experiencia docente de 12 meses.
-Estadía, en país onde o idioma inglés sexa oficial, de 12 meses.
-Dominio oral e escrito do idioma inglés.
4) Valorarase:
-Currículo.
-Coñecementos de francés e alemán.
-Aptitude docente.
-Ofimática.
-Capacidade de integración en equipos de traballo.
5) Probas que se van realizar:
-Exame oral e escrito de inglés (eliminatorio).
-Exame oral e escrito de francés e alemán.
-Impartición de clase.
-Planificación docente.
-Proba práctica de Microsoft Word 97.
-Entrevista persoal.
-Cuestionario de personalidade.
A.3 Posto: profesor de prácticas de servicios (REF. SERV-499).
1) Funcións principais: sempre baixo a supervisión do responsable do departamento, colaborar no deseño das materias relacionadas coa formación en servicios (incluíndo elaboración do material, impartición de clases e avaliación de alumnos), así como coordina-la formación coa xestión dos puntos de venda do CSHG.
2) Prazas: 1 (xornada completa).
3) Requisitos:
-Titulación oficial ou específica na área.
-Experiencia docente.
-Experiencia profesional na área de 18 meses, dos que un mínimo de 6 serán como 2º maître (ou posto superior).
-Coñecementos de inglés ou francés.
4) Valorarase:
-Currículo.
-Coñecementos da área.
-Aptitude docente.
-Ofimática.
-Capacidade de integración en equipos de traballo.
5) Probas que se van realizar:
-Exame de coñecementos da área (eliminatorio) sobre: servicios en diferentes tipos de establecementos (restaurante, bar, cafetería, hotel ...), protocolo no servicio, xestión na restauración e atención ó cliente. O temario correspondente recóllese no anexo I.
-Impartición de clase.
-Planificación docente.
-Proba práctica de Microsoft Word 97.
-Proba escrita e oral de inglés ou francés.
-Entrevista persoal.
-Cuestionario de personalidade.
A.4 Documentación que se vai presentar:
-Solicitude por posto ó que se opta, indicando a referencia, dirixida ó director do CSGH (A Barcia. Estrada Santiago de Compostela-Noia, Km. 3. Apartado 578. 15896 Santiago de Compostela).
-Currículo.
-Acreditación orixinal dos méritos reflectidos no C.V. Os títulos obtidos no estranxeiro deberán estar validados en España.
-Certificación académica que indique as cualificacións obtidas na titulación requirida e o número de convocatorias por materia.
A.5 Prazo de presentación de solicitudes:
-O prazo de presentación de solicitudes será de 10 días hábiles contados a partir do seguinte ó da publicación deste anuncio no Diario Oficial de Galicia.
A.6 Selección:
-Expirado o prazo de presentación de solicitudes, o comité de selección designado para cada unha das prazas publicará as listas previas de admitidos e excluídos a cada proceso.
B. Promoción turística.
B.1 Posto: xefe da Oficina Turismo de Santiago de Compostela (REF. XOT-SAN).
1) Funcións principais: responsabilizarse da organización do traballo da oficina, do control de existencias do material de información turística e apoia-lo labor de promoción levada a cabo desde Turgalicia.
2) Prazas: 1 (xornada completa).
3) Requisitos:
-Diplomado universitario.
-Coñecementos de informática a nivel usuario.
-Dominio, oral e escrito, dos idiomas inglés, francés e galego.
-Profundo coñecemento dos recursos turísticos de Galicia, así como da lexislación turística vixente.
4) Valorarase:
-Currículo.
-Coñecementos doutro idioma.
-Capacidade de integración e coordinación de equipos de traballo.
5) Probas que se van realizar:
-Exame, oral e escrito, dos idiomas inglés, francés e galego.
-Proba de Word 97, Excel 97 e Access 97.
-Exame de coñecementos dos recursos turísticos e de lexislación. O temario correspondente recóllese no anexo II.
-Entrevista persoal.
B.2 Posto: auxiliar da Oficina de Turismo de Santiago de Compostela(REF. AOT - SAN).
1) Funcións principais: atención ó visitante facilitándolle toda a información turística que se lle solicite, así como labores propios administrativos.
2) Prazas: 1 (xornada completa).
3) Requisitos:
-FPII ou equivalente.
-Coñecementos de informática a nivel usuario.
-Dominio, oral e escrito, dos idiomas inglés e galego.
-Profundo coñecemento dos recursos turísticos de Galicia, e de Santiago de Compostela en particular.
4) Valorarase:
-Currículo.
-Coñecementos doutro idioma.
-Capacidade de integración en equipos de traballo.
5) Probas a realizar:
-Exame, oral e escrito, dos idiomas inglés e galego.
-Proba de Word 97, Excel 97 e Access 97.
-Exame de coñecementos dos recursos turísticos. O temario correspondente recóllese no anexo II.
-Entrevista persoal.
B.3 Posto: adxunto área de novos productos (REF. ANP - TUR).
1) Funcións principais: labores administrativos e de apoio na área de referencia.
2) Prazas: 1 (xornada completa).
3) Requisitos:
-FPII ou equivalente.
-Coñecementos de informática a nivel usuario.
-Dominio, falado e escrito, dos idiomas inglés e galego.
-Profundo coñecemento dos recursos turísticos de Galicia.
-Ter realizado cursos específicos do sector turístico.
4) Valorarase:
-Currículo.
-Capacidade de integración en equipos de traballo.
5) Probas que se van realizar:
-Exame, oral e escrito, dos idiomas inglés e galego.
-Proba de Word 97, Excel 97 e Access 97.
-Exame de coñecementos dos recursos turísticos. O temario correspondente recóllese no anexo II.
-Entrevista persoal.
B.4 Documentación que hai que presentar:
-Currículo.
-Fotografía tamaño carné.
-Documentación orixinal ou fotocopia compulsada que acredite a titulación esixida, así como a formación e/ou experiencia que desexe achegar para ser valorada.
B.5 Lugar e prazo de presentación:
-As solicitudes faranse chegar a Turgalicia área económica e de persoal. Estrada de Santiago de Compostela-Noia, km 3, A Barcia. 15896 Santiago de Compostela, indicando no sobre a referencia do posto ó que se opta.
-O prazo de presentación de solicitudes será de 15 días naturais contados a partir do seguinte ó da publicación deste anuncio no Diario Oficial de Galicia.
B.6 Selección:
-Expirado o prazo de presentación de solicitudes, o comité de selección designado para cada unha das prazas ofertadas, publicará as listas previas de admitidos e excluídos ó proceso de selección.
Santiago de Compostela, 2 de marzo de 1999.
Heriberto Verdés Vilaseca
Director xerente de Turgalicia, S.A.
ANEXO I
Profesor responsable do departamento
de márketing
Proba de coñecementos
O contido da proba de coñecementos versará sobre os seguintes puntos, con especial orientación ós sectores de hostalería e educación.
1. Definición de márketing. Problemática do márketing de servicios.
2. Análise da situación: o mercado, a competencia, o consumidor. Investigación comercial.
3. Producto: análise de gama e ciclo de vida.
4. Prezo: factores determinantes, estratexia xeral de prezos, secuencia de fixación.
5. Distribución: sistemas de distribución, canles propias do sector hostaleiro, a franquicia.
6. Comunicación: venda persoal, promoción, publicidade, márketing directo e relacións públicas.
7. Márketing e planificación estratéxica: estratexias de diferenciación e posicionamento, estratexias competitivas e implementación de estratexias.
8. Lanzamento de novos productos.
Profesor prácticas de servicios
Proba de coñecementos
1. Mise en plaçe.
2. Hixiene no servicio e manipulación de alimentos.
3. Servicio de cafés, infusións e prancha.
4. Coctelería.
5. Servicios en barra.
6. Servicios en mesa.
7. Servicios de almorzo.
8. Servicios de xantar e cea.
9. Organización, planificación e servicio de banquetes.
10. Enoloxía e servicio de bebidas.
11. Coñecementos culinarios (carnes, peixes, gornicións, ensaladas e salsas).
12. Protocolo na restauración.
13. Atención ó cliente.
14. Xestión en restauración.
ANEXO II
Xefe da oficina de turismo
Recursos turísticos de Galicia e lexislación.
1. A Galicia prerromana. O megalitismo. A idade de bronce. A cultura castrexa. A influencia céltica.
2. Arte medieval: o prerrománico en Galicia. O esplendor románico. O gótico.
3. A arquitectura e escultura renacentistas e barrocas en Galicia. Exemplo das súas manifestacións máis importantes.
4. Arquitectura modernista en Galicia. A Xeración Nós e o Seminario de Estudios Galegos. O momento de vangarda da arte galega.
5. Arquitectura popular galega. Materiais, elementos constructivos e tipoloxías da casa vivenda. Hórreos, cruceiros, petos de ánimas, fontes e muíños.
6. Artesanía de oficios populares.
7. O folclore: música e traxes típicos. Romarías e festas populares. Feiras. Crenzas.
8. A gastronomía. Os viños. Principais aspectos da cociña e da viticultura de Galicia. Festas gastronómicas.
9. Historia de Galicia. Principais feitos históricos.
10. Áreas naturais no litoral: rías, illas e praias, zonas húmidas e areais, acantilados.
11. Áreas naturais de interior: as montañas, os vales fluviais, os bosques a as lagoas.
12. Costa norte e Rías Altas. Especial significación da Costa da Morte.
13. As Rías Baixas.
14. A Galicia interior.
15. O Camiño Francés e outros tramos galegos do Camiño de Santiago.
16. A Ribeira Sacra.
17. Visita á cidade de Santiago de Compostela.
18. Diversificación e novas ofertas: termalismo, golf, turismo náutico, turismo rural, congresos, convencións, turismo activo e de natureza.
19. As catedrais. Os mosteiros.
20. Lei de ordenación e promoción do turismo en Galicia. Lexislación en materia de defensa do consumidor e do usuario.
21. Aspectos fundamentais da normativa reguladora dos aloxamentos turísticos, dos establecementos de restauración e das axencias de viaxes.
Adxunto á área de novos productos
Recursos turísticos de Galicia.
1. Espacios naturais. Situación e características xerais. Flora e fauna.
2. Xeografía costeira de Galicia. Principais accidentes xeográficos. Flora e fauna.
3. Xeografía interior de Galicia. Principais accidentes xeográficos. Flora e fauna.
4. Arquitectura relixiosa en Galicia. Estilos arquitectónicos.
5. Arquitectura civil e popular. Usos e estilos.
6. Museos e bibliotecas. Situación e breve descrición (contido e continente).
7. Historia de Galicia. Principais fitos históricos.
8. Infraestructura turística. Turismo rural, interior e costa.
9. Infraestructura turística. Turismo de negocios e termal.
10. Rutas turísticas. Amplo coñecemento do Camiño de Santiago.
Auxiliar da oficina de turismo
Recursos turísticos de Galicia e lexislación.
1. Espacios naturais. Situación e características xerais.
2. Xeografía costeira de Galicia. Principais accidentes xeográficos.
3. Xeografía interior de Galicia. Principais accidentes xeográficos.
4. Arquitectura relixiosa en Galicia. As catedrais. Os mosteiros.
5. Arquitectura civil e popular. Usos e estilos.
6. Historia de Galicia. Principais feitos históricos.
7. Infraestructura turística. Turismo rural, interior e costa.
8. Infraestructura turística. Turismo de negocios e termal.
9. Rutas turísticas. Cidades e vilas históricas de Galicia. O Camiño Francés e outros tramos galegos do Camiño de Santiago.
10. Visita á cidade de Santiago de Compostela.