O Consello de Administración, en sesión celebrada o día 26 de novembro de 1998, aprobou a seguinte modificación das normas de funcionamento do Consello de Administración da Autoridade Portuaria, aprobadas en sesión con data do 24 de setembro
de 1998 e publicadas no Diario Oficial de Galicia do 4 de novembro de 1998.
Que a alínea primeira das normas que regula a composición do consello se complete da seguinte forma:
«Cando unha organización representativa de interese social substitúa un membro do consello por outro, na forma prevista no artigo 24.2º da Lei de réxime xurídico das administracións públicas e do procedemento administrativo común, acreditándoo ante a secretaría do órgano, a substitución deberá ser remitida pola organización representada ó órgano competente da Comunidade Autónoma, contendo proposta de cesamento e nova designación de membro.
A substitución dos membros do consello será efectiva cando a Comunidade Autónoma efectúe a separación e nomeamentos pertinentes de conformidade co previsto no artigo 40 da Lei de portos do Estado e da Mariña Mercante».
A Coruña, 17 de marzo de 1999.
Juan Manuel Páramo Neyra
Presidente da Autoridade Portuaria da Coruña