O Consello da Xerencia de Urbanismo, en sesión do día 5 de marzo de 1999, acordou aprobar inicialmente o estudio de detalle U.E. IV-12 Ramón Nieto, 6 presentado por Enrique Ramírez Piñeiro en nome e representación da sociedade Pirsa o Grove, S.A., redactado polos arquitectos José luis Pereiro Alonso e Borja Ramilo Méndez, e visado polo COAG con datas do 3 de novembro de 1998 e do 13 de xaneiro de 1999.
Procédese a somete-lo expediente ó trámite de información pública durante o período dun mes a través da publicación no DOG e nun dos xornais de maior circulación da provincia e no taboleiro de anuncios da Xerencia e significánse que o prazo de exposición ó público se entenderá aberto desde a primeira publicación ata o remate do mes contados desde o derradeiro anuncio. A documentación atópase na oficina de Información da Xerencia Municipal de Urbanismo ó dispor do público.
Este anuncio servirá de notificación nos termos do artigo 59 da Lei de réxime xurídico das administracións públicas e do procedemento administrativo común para tódolos propietarios e interesados directamente afectados que, por resultaren descoñecidos ou ignorando o seu enderezo, non poidan ser notificados persoalmente.
Vigo, 15 de marzo de 1999.
Manuel Pérez Álvarez
Alcalde-presidente da Xerencia Municipal
de Urbanismo