Por acordo do Pleno da Corporación do día 18 de febreiro de 1999, prestouse aprobación ó texto íntegro das bases xerais e específicas da convocatoria pública para a provisión da praza vacante encargado fontaneiro, encadrada na escala de Administración especial, subescala servicios especiais, clase persoal de oficios e integrada no grupo D, existente no cadro de persoal e contida na oferta de emprego público de 1999.
As probas selectivas convocadas rexeranse polas bases xerais e específicas nas que se especifican os requisitos necesarios para o ingreso e os procedementos de selección.
O prazo para a presentación de instancias será de 20 días naturais, computados a partir da publicación da convocatoria no Boletín Oficial del Estado.
Os anuncios sucesivos publicaranse no BOP e no taboleiro de anuncios da casa do concello.
Poio, 24 de febreiro de 1999.
Luciano Sobral Fernández
Alcalde