Por Resolución do 5 de febreiro de 1999 anunciouse a licitación, polo sistema de concurso da subministración consistente na adquisición de material de oficina e informático non inventariable distribuído en dous lotes con destino ós servicios centrais e delegacións provinciais da Consellería de Agricultura, Gandería e Política Agroalimentaria.

Advertido un erro na redacción do anexo I do prego de prescricións técnicas en relación co lote I.-Material informático, resolvo proceder á súa modificación e publicación para coñecemento dos licitadores.

Ó mesmo tempo, procédese a amplia-lo prazo de presentación das ofertas do Lote I.- Material informático ata as 14 horas do día 5 de abril de 1999, co fin de que as empresas poidan levar a cabo unha nova valoración destas.

O acto público de apertura das proposicións levarase a cabo o día 7 de abril de 1999, ás 13 horas, na sala de xuntas da Secretaría Xeral da Consellería de Agricultura, Gandería e Política Agroalimentaria, edificios administrativos de San Caetano, s/n, Santiago de Compostela, A Coruña.

Santiago de Compostela, 15 de marzo de 1999.

P. D. (Orde 15-12-1997, DOG nº 243, 17-12-1997)

Ángel Bernardo Tahoces

Secretario xeral da Consellería de Agricultura,

Gandería e Política Agroalimentaria