De conformidade co previsto na base 6.1 da Resolución do 28 de decembro de 1998 (DOG nº 10, do 18 de xaneiro de 1999) pola que se fai pública a convocatoria do concurso voluntario de traslados para a provisión de prazas de persoal facultativo especialista nas institucións sanitarias dependentes do Servicio Galego de Saúde, rematada pola Comisión de Baremación a tarefa de baremación dos méritos alegados e acreditados polos concursantes, procede resolver provisionalmente o dito concurso voluntario de traslados.
En consecuencia, este centro directivo
ACORDA:
Primeiro.-Declarar resolto provisionalmente o concurso voluntario de traslados para a provisión de prazas de persoal facultativo especialista do Servicio Galego de Saúde convocado por Resolución do 28 de decembro de 1998, adxudicando a puntuación provisional acadada e, se é o caso, o destino dun xeito provisional, sen que este supoña dereito ou expectativa ningunha.
As correspondentes listaxes de adxudicación atópansen expostas nos servicios centrais e periféricos da Consellería de Sanidade e Servicios Sociais e do Sergas, así como nos diferentes centros de xestión de atención primaria e especializada do Servicio Galego de Saúde.
Segundo.-Declarar excluídos provisionalmente do concurso voluntario de traslados ós concursantes que, en cada especialidade, aparecen reflectidos como tales polas causas que se especifican.
Terceiro.-De conformidade co establecido na base 6.3 da Resolución do 28 de decembro de 1998, os interesados disporán dun prazo de dez días hábiles contados a partir do seguinte ó da publicación no Diario Oficial de Galicia desta resolución provisional, para formular reclamacións contra ela ou, de se-lo caso, para emendar aquelas causas de exclu
sión do concurso voluntario de traslados que sexan susceptibles de tal emenda.
Igualmente, e de acordo co disposto na base 4.6 da Resolución do 28 de decembro de 1998, os interesados que o dexesen poderán, dentro do dito prazo, desistir da súa participación neste concurso.
Santiago de Compostela, 18 de marzo de 1999.
Valeriano Martínez García
Director xeral da División de Recursos Humanos
