A necesidade de adecua-lo cadro de persoal ás necesidades de funcionamento da unidade de informática do Instituto Galego da Vivenda e Solo para lograr un axeitado desenvolvemento desta, fai necesario modifica-la vixente relación de postos de traballo da Consellería de Política Territorial, Obras Públicas e Vivenda.
En consecuencia, por proposta desta consellería, oídas as organizacións sindicais presentes na Mesa Xeral de Negociación da Comunidade Autónoma de Galicia e a Comisión de Persoal, o Consello da Xunta de Galicia na súa reunión do día once de marzo de mil novecentos noventa e nove, adoptou o seguinte
ACORDO:
1. Modifica-la vixente relación de postos de traballo da Consellería de Política Territorial, Obras Públicas e Vivenda, nos termos que se sinalan no anexo ó presente acordo.
2. Ordena-la publicación da dita modificación no Diario Oficial de Galicia para efectos da súa entrada en vigor a partir do día seguinte a ela.
Visto o acordo adoptado polo Consello da Xunta de Galicia na súa reunión do 11 de marzo de 1999, relativo á modificación da relación de postos de traballo da Consellería de Política Territorial, Obras Públicas e Vivenda, coa finalidade de cumprir este acordo, dispoño que se publique no Diario Oficial de Galicia como anexo a esta resolución.
Santiago de Compostela, 12 de marzo de 1999.
Jaime Pita Varela
Conselleiro da Presidencia e Administración Pública
ANEXO
.CONSELLERÍA DE POLÍTICA TERRITORIAL,
OBRAS PÚBLICAS E VIVENDA
Persoal funcionario
Na relación de postos de traballo da Consellería de Política Territorial, Obras Públicas e Vivenda, publicada no Diario Oficial de Galicia nº 171, do 5 de setembro de 1977, realízanse as seguintes modificacións:
Na páxina 8.689, no centro de destino «UNIDADE INFORMÁTICA»:
-No posto «OT.A02.00.009.15770.005-ANALISTA PROGRAMADOR», na columna «Observacións» suprímese «SEN DOTAR ORZAMENTARIAMENTE».
-No posto «OT.A02.00.009.15770.021-OPERADOR DE ORDENADOR», na columna «Observacións» engádese «SEN DOTAR ORZAMENTARIAMENTE».
Persoal laboral
Na relación de postos de traballo da Consellería de Política Territorial, Obras Públicas e Vivenda, publicada no Diario Oficial de Galicia nº 227, do 27 de novembro de 1995, na páxina 8.717, no centro de destino «ÁREA PROVINCIAL DA CORUÑA», suprímese o posto «OT.A99.10.000.15001.095-XARDINEIRO».
