Vista a solicitude presentada por Juan María Pérez Argibay en representación da Asociación de Profiesionais de Agua, Gas, Electricidad, Calefacción y afines de la Comunidad Autónoma de Galicia, (APAGEC), e a documentación anexa, na que solicita que lle sexa renovada a cualificación de entidade para impartir cursos de instaladores de gas do grupo IG-I ó IG-IV.
Vista a Orde do 17 de decembro de 1985 pola que se aproban a instrucción sobre documentación e posta en servicio das instalacións receptoras de gas combustible e a instrucción sobre instaladores autorizados de gas e empresas instaladoras (BOE do 9-1-1986).
Considerando que se cumpriron os requisitos regulamentarios establecidos, esta dirección xeral
RESOLVE:
Renovarlle a APAGEC a cualificación de entidade recoñecida para imparti-los cursos de formación de instaladores de gas, de conformidade co establecido no capitulo III da Orde do 17 de decembro de 1985, en todo o territorio da Comunidade Autónoma de Galicia.
Para imparti-los cursos, presentará perante a delegación provincial de Industria e Comercio da provincia correspondente, fotocopia da presente resolución, táboa de tarefas e programación de cursos previstos.
Para efectos estatísticos e de control, presentará nas delegacións provinciais de Industria e Comercio onde exerza a súa actividade, unha memoria anual de actuacións e nesta dirección xeral un resumo delas na Comunidade Autónoma.
Esta autorización deberase renovar ós dous anos, para o que acreditará perante a Dirección Xeral de Industria e Comercio, o cumprimento dos requisitos esixidos na autorización inicial.
Santiago de Compostela, 26 de febreiro de 1999.
Joaquín del Moral Crespo
Director xeral de Industria e Comercio