O Concello Pleno, na sesión celebrada o día 26 de febreiro de 1999, adoptou o seguinte acordo:
«1º Aprobar definitivamente a modificación puntual das normas subsidiarias de planeamento do Concello de Mugardos, no contorno de Punta Promontoiro, coas observacións introducidas polo informe vinculante do conselleiro de Política Territorial, Obras Públicas e Vivenda, que son as seguintes:
a) Os terreos reclasificados considéranse como solo urbano non consolidado, de acordo coa propia memoria do proxecto e os artigos 65 da Lei do solo de Galicia e 14.2º da Lei 6/1998, de réxime do solo e valoracións.
b) As observacións efectuadas pola Dirección Xeral de Costas, Ministerio de Medio Ambiente, no punto nº 4 do seu informe do 29-9-1998, que se dan aquí por reproducidas, por figurar como anexo 8 do documento da modificación forman parte da presente modificación que se aproba definitivamente.
2º Que se proceda á publicación do presente acordo no DOG e no BOP nos termos establecidos no artigo 48 da Lei 1/1997, do 24 de marzo, do solo de Galicia, así como ó cumprimento do disposto no nº 3 do citado artigo».
O que se fai público, en cumprimento do disposto no artigo 48 da Lei 1/1997, do 24 de marzo, do solo de Galicia.
Contra o presente acordo, que esgota a vía administrativa, poderá interporse recurso contencioso-administrativo durante o prazo de dous meses contados
a partir do día seguinte ó da publicación do presente anuncio, ante o Tribunal Superior de Xustiza de Galicia.
Mugardos, 4 de marzo de 1999.
Ramón Toimil Saavedra
Alcalde