1. O Concello de Muros convoca licitación pública para a adxudicación mediante poxa por procedemento aberto, dos seguintes contratos de obras cos orzamentos de execución por contrata que se sinalan:
-Travesía rúas do Cabo e Rebordiño, 5.000.000 de ptas., 30.050,61 euros.
-Travesía Camiño de Louro e Rebordiño, 5.000.000 de ptas., 30.050,61 euros.
-Travesía de San Francisco, 1ª fase, 5.000.000 de ptas., 30.050,61 euros.
2. O prazo de execución das citadas obras é de tres meses e a data prevista de iniciación é a do 1 de abril de 1999.
3. Os proxectos e pregos de condicións están ó dispor dos interesados nas oficinas do Concello de Muros, Curro da Praza nº 1, 15250 Muros (A Coruña).
4. A garantía provisoria é a de 100.000 ptas. para cada contrato, que non se lles esixe ás empresas que estean clasificadas.
5. Non se esixe clasificación e os licitadores deberán acredita-la súa solvencia económica e financeira, e técnica consonte o que dispón o artigo 12.2º i) do prego de cláusulas administrativas.
6. O prazo de presentación de proposición é o de trece días naturais contados desde que se publique este anuncio no BOP e no DOG, de 8.30 a 14.30 horas e o lugar de presentación é o rexistro xeral do Concello de Muros.
7. O modelo de proposición e a documentación esixida figuran recollidos no prego de claúsulas administrativas.
8. A apertura das ofertas terá lugar na Casa do Concello de Muros ás 13 horas do terceiro día natural seguinte ó de remate do prazo de presentación das proposicións.
Muros, 8 de febreiro de 1999.
Celestino Formoso Vidal
Alcalde