A Lei 13/1991, do 9 de decembro, de taxas, prezos e exaccións reguladoras da Comunidade Autónoma de Galicia, no seu artigo 6, dispón a obriga de seren establecidos os prezos pola consellería correspondente, logo de informe favorable da Consellería de Economía e Facenda, e de que se publiquen no Diario Oficial de Galicia.
Para cumprir con este mandado, e logo de emitido o preceptivo informe favorable da Consellería de Economía e Facenda, esta consellería
DISPÓN:
Artigo único.
1. Quedan aprobados os prezos de participación nas actividades promovidas pola Dirección Xeral de Xuventude, que se relacionan no anexo desta orde.
2. Estos prezos entenderanse, se é o caso, co IVE incluído.
Santiago de Compostela, 26 de febreiro de 1999.
Manuela López Besteiro
Conselleira de Familia e Promoción do Emprego, Muller e Xuventude
ANEXO
Prezos relativos á participación nas actividades promovidas pola Dirección Xeral de Xuventude que a continuación se especifican. Os prezos establecidos entenderanse por participante:
A-Programa: Actividades Ambientais para Xoves: Os Espacios Naturais.
-Prezos para as rutas das provincias de Lugo, Pontevedra e A Coruña: 2.000 ptas.
-Prezos para as rutas da provincia de Ourense: 4.000 ptas.
B-Programa: Encontro Internacional Itinerante: Xuventude e Medio Ambiente.
-Sen aloxamento e con xantar: 4.000 ptas.
-Con aloxamento e media pensión (almorzo e xantar): 8.000 ptas.
C-Programa: Xacobeo 99, a Aventura do Camiño de Santiago.
-20.000 ptas.
D-Programa: Conducción Segura.
-2.000 ptas.
E-Programa: Imos ó mar.
-500 ptas.
F-Programa: Coñece a Galicia Verde.
-500 ptas.