Anúnciase que o Concello Pleno, en sesión ordinaria realizada con data do 8 de xaneiro de 1999, adoptou, entre outros, o seguinte acordo:

«O Concello Pleno acordou, por unanimidade, aprobar inicialmente o estudio de detalle para definicións de aliñacións en Outeiro, Cudeiro, a pedimento do Concello de Ourense».

De conformidade co disposto no artigo 44.3º da Lei 1/1997, do 24 de marzo de 1997, do solo de Galicia, sométese o citado expediente a exposición pública polo prazo dun mes, que empezará a contar a partir do día seguinte ó da publicación deste anuncio no Diario Oficial de Galicia para que tódalas persoas interesadas poidan achega-las alegacións que coiden pertinentes.

Este anuncio suple as circunstancias que poidan concorrer no disposto no artigo 59 da Lei 30/1992, do 26 de novembro.

Ourense, 21 de xaneiro de 1999.

Manuel J. Cabezas Enríquez

Alcalde-presidente