En virtude do acordado pola Corporación Municipal, en sesión plenaria celebrada o día 3 de novembro de 1998, e resolución da alcaldía do día de hoxe, convócase segunda poxa pública para a venda da madeira que a continuación se indica, procedente de incendios forestais no monte patrimonial de propios deste concello que tamén se expresa:

Monte Reloeira e Lantemil nº 35-A de U.P.

-Lote nº 1: 4.584 pés de piñeiro pinaster con 1.274 m de madeira en pé. Prezo de taxación: 3.822.000 pesetas. Prezo índice: 4.777.500 pesetas.

-Lote nº 2: 1.524 pés de piñeiro pinaster con 343 m de madeira en pé. Prezo base de taxación: 1.332.000 pesetas. Prezo índice: 1.665.000 pesetas.

-Lote nº 3: 27.116 pés de piñeiro pinaster con 2.592 m de madeira en pé. Prezo base de taxación: 3.110.400 pesetas. Prezo índice: 3.888.000 pesetas.

-Lote nº 4: 19.211 pés de piñeiro pinaster con 2.407 m de madeira en pé. Prezo base de taxa

ción: 3.129.100 pesetas. Prezo índice: 3.911.375 pesetas.

-Lote nº 5: 8.395 pés de piñeiro pinaster con 2.031 m de madeira en pé. Prezo base de taxación: 6.499.200 pesetas. Prezo índice: 8.124.000 pesetas.

O contrato terá unha duración que vai desde a data de notificación da adxudicación definitiva ata a cancelación da fianza.

O importe do remate será ingresado no prazo de vinte días, despois de ser notificada a aprobación definitiva da poxa.

A fianza provisoria para intervir na poxa é do 5 por 100 do prezo de taxación e a definitiva do 6 por 100 do prezo de adxudicación.

As proposicións deberán presentarse en sobre pechado, que poderá lacrarse e precintarse dentro do prazo de trece días naturais contados a partir do seguinte ó da publicación deste anuncio no BOP e no DOG.

A abertura de plicas celebrarase na Casa do Concello de Entrimo (Ourense) ás doce horas do día hábil seguinte ó do prazo sinalado para a súa presentación.

Modelo de proposición:

-D./Dª..., maior de idade, profesión..., veciño/a de..., con domicilio en..., con DNI nº... expedido en... con data... que está ó día nas súas obrigas tributarias e fiscais, informado das condicións técnicas e administrativas que rexerán na poxa anunciada polo Concello de Entrimo no BOP de Ourense nº... do... e no DOG nº... do..., ofrece a cantidade de... pesetas polo lote de madeira...

-Declara baixo a súa responsabilidade non estar incurso en ningunha das causas de incapacidade ou incompatibilidade para contratar.

-Xunta documento xustificativo de constituí-la fianza provisional para intervir na poxa.

(Lugar, data e sinatura).

Entrimo, 12 de febreiro de 1999.

O alcalde

Rubricado