A Comisión Municipal de Goberno, en sesión extraordinaria en substitución da ordinaria, celebrada con data do 28 de decembro de 1998 adoptou, entre outros o seguinte acordo:
1. Aprobar definitivamente por instancia de José Luis Cruz López en representación de Promotora Fercrusa, S.L. o proxecto de urbanización da rúa Portalón do Casar do PXOU, de Ourense, coas condicións sinaladas polo servicio eléctrico con data do 7 de setembro de 1998 e previa constitución de garantía polo importe de 1.118.978 ptas. un millón cento dezaoito mil novecentas setenta e oito pesetas, para asegura-la correcta execución das obras e o seu carácter previo ou simultáneo coas da edificación.
Esta resolución esgota a vía administrativa, polo que é potestativa a interposición do recurso contencioso-administrativo ante a xurisdicción competente no prazo de dous meses, que comezará a partir do día seguinte á presente publicación.
Non obstante o recurso indicado, poderá utilizar outros se así o crera conveniente.
Este anuncio suple as circunstancias que puideran concorrer no disposto na Lei 30/1992, do 26 de novembro.
Ourense, 12 de xaneiro de 1999.
Manuel Jaime Cabezas Enriquez
Alcalde-presidente