Aprobado inicialmente polo Concello Pleno, en sesión do 30 de decembro de 1998, o proxecto de modificación puntual das normas municipais do Concello de Vilamarín. Recualificación de terreos no núcleo rural de Vilamarín, redactado pola arquitecta Elvira Carregado Pazos, exponse ó público durante o prazo dun mes contado a partir do día seguinte ó da última publicación deste anuncio no DOG ou no BOP para efectos da formulación das alegacións que se consideren pertinentes.
De conformidade co establecido no artigo 34 da Lei 1/1997, do 24 de marzo, do solo de Galicia e demais disposicións de aplicación, suspéndese o outorgamento de licencias de parcelación de terreos, edificación ou demolición nas áreas do territorio obxecto da citada modificación puntual. A dita suspensión terá unha duración máxima dun ano e extínguese coa aprobación definitiva da citada modificación.
Vilamarín, 11 de xaneiro de 1999.
Amador Vázquez Vázquez
Alcalde