A Corporación Municipal deste Concello, en sesión plenaria celebrada o día 23 de decembro de 1998, acordou prestar aprobación definitiva ó expediente de modificación puntula das normas subsidiarias de planeamento municipal entre as rúas número 8, avenida Luis Rocafort e paseo praia de Silgar de Sanxenxo.
De conformidade co establecido no artigo 48.2º da Lei 1/1997, do 24 de marzo, do solo de Galicia, a modificación aprobada deberá publicarse no Diario Oficial de Galicia e no BOP. Así mesmo, deberá publicarse no BOP o documento que conteña a normativa e as ordenanzas.
Contra este acordo, que é definitivo en vía administrativa, poderase interpor directamente, e no prazo de dous meses, recurso contencioso-administrativo ante o Tribunal Superior de Xustiza de Galicia na Coruña, logo da comunicación ó órgano autor do acto ó que se refire o artigo 110.3º da Lei 30/1992, do 26 de novembro, de réxime xurídico das administracións públicas e do procedemento administrativo común, ser prexuízo de que poida exercerse, se é o caso, calquera outro recurso que considere procedente.
Sanxenxo, 12 de xaneiro de 1999.
J. Luis Rodríguez Lorenzo
Alcalde