En cumprimento do disposto no artigo 4 do Real decreto 873/1977, do 22 de abril, de desenvolvemento da Lei 19/1977, do 1 de abril, e para os efectos previstos nel, faise público que no correspondente servicio desta dirección xeral foron depositados a acta de constitución e os estatutos da Asociación de Centros de Economía Social de Galicia (ACES-Galicia) que ten os seguintes ámbitos:
Territorial: Comunidade Autónoma de Galicia.
Profesional: poderán pertencer á devandita asociación as empresas educativas ou centros pertencentes a cooperativas de calquera clase, sociedades anónimas laborais, sociedades de responsabilidade limitada laborais, mutuas, mutualidades, asociacións, fundacións e calquera outra entidade pertencente á economía social que desenvolva a súa actividade docente no seu ámbito territorial.
Asinan a acta de constitución: Antonio Pérez Vega, en representación da sociedade cooperativa limitada
Colexio Privado Ferroviario, e dezasete persoas máis en representación doutras tantas entidades.
Santiago de Compostela, 19 de xaneiro de 1999.
María José Cimadevila Cea
Directora xeral de Relacións Laborais