De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle á persoa que no anexo se menciona, cos datos e último domicilio coñecido que se sinalan, a resolución do expediente sancionador nº C.C.-1/95 por infraccións en materia sanitaria, iniciado na Delegación Provincial da Consellería de Sanidade e Servicios Sociais de Pontevedra.

Fáiselle saber que, de acordo co título VII, capítulo II, sección 1ª, artigo 109, da Lei 30/1992, do 26 de novembro, de réxime xurídico das administracións públicas e procedemento administrativo común, esta resolución pon fin á vía administrativa, podendo interpor recurso contencioso-administrativo perante o Tribunal Superior de Xustiza de Galicia, de acordo co disposto no artigo 74 da Lei orgánica do poder xudicial, no prazo de dous meses, contados a partir do día seguinte ó da publicación desta notificación, segundo o artigo 58 da Lei da xurisdicción contencioso-administrativa do 27 de decembro.

En caso de conformidade coa sanción deberá facer efectiva a multa mediante transferencia bancaria a favor do Tesouro da Facenda galega, conta restrinxida de recadación de multas e sancións do Servicio Galego de Saúde número 001-014017-2 do Banco Bilbao Vizcaya, sucursal de Santiago de Compostela.

Para que conste e lle sirva de notificación ó interesado, expido, asino e selo a presente cédula, en Santiago de Compostela o 11 de xaneiro de 1999.

Pilar Farjas Abadía

Directora xeral de Saúde Pública

ANEXO

Expediente: C.C.-1/95.

Denunciada: Cervecería Burguer María, María Rubianes Maneiro.

Último domicilio coñecido: lugar de Bouza nº 34, Vilaxoán. Vilagarcía de Arousa-Pontevedra.

Feito denunciado: infracción en materia sanitaria: -Carece de libro de visitas.-Os empregados carecen de carné de manipulador.-Deficiencias de manipulación.-Deficiencias hixiénico-sanitarias.

Precepto infrinxido: artigo 4, 5.1º, 6.2º, 6.5º, 7.1º, 16.3º e 20.3º do R.D. 2817/1983, do 13 de outubro.-Artigo 2 do R.D. 1945/1983, do 22 de xuño.-Artigo 3 e 4.2º do R.D. 2505/1983, do 4 de agosto.-Artigo 1 do R.D. 157/1985, do 11 de xullo.

Precepto sancionador: Lei 14/1986 (xeral de sanidade).

-R.D. 1945/1983 (infraccións e servicios).

Sanción imposta: 125.000 ptas.