O Consello da Xerencia de Urbanismo en sesión do dez de xullo de 1998 acordou aprobar inicial
mente o proxecto de bases de actuación e estatutos para a constitución e funcionamento da Xunta de Compensación da unidade de actuación 2 Penís de Arriba, presentado con data do 25 de maio pasado, no rexistro da Xerencia de Urbanismo por Antonio Estévez Alonso en representación de propietarios do citado polígono, someténdoos á información pública polo prazo de vinte días mediante a inserción de anuncios no DOG e notificación persoal ós propietarios afectados.
O que se fai público para xeral coñecemento segundo o establecido no artigo 133.4º da Lei 1/1997, do solo de Galicia, en relación co artigo 102. O expediente atópase á disposición do público en xeral na oficina de información da Xerencia Municipal de Urbanismo (planta baixa da Casa do Concello).
Así mesmo, o presente anuncio servirá de notificación nos termos previstos na citada lei, así como no artigo 59 da Lei de réxime xurídico das administracións públicas e do procedemento administrativo común, para todos aqueles propietarios que sexan descoñecidos, se ignore o lugar de notificación ou, intentada esta, non se puidese practicar.
Vigo, 10 de novembro de 1998.
Manuel Pérez Álvarez
Alcalde presidente da Xerencia Municipal de Urbanismo