Consonte a proposta formulada pola comisión constituída para xulga-lo concurso convocado por resolución desta universidade do 19 de decembro de 1997 (BOE do 19 de xaneiro de 1998) para a provisión dunha praza de profesor titular de universidade da área de coñecemento de xenética, do departamento de Bioquímica, Xenética e Inmunoloxía, a prol de Juan José Pasantes Ludeña, con documento nacional de identidade número 76.342.211, e cumprindo o interesado os requisitos do número 2º do artigo 5 do Real decreto 1888/1984, do 26 de setembro,

Este rectorado, en uso das atribucións conferidas polo artigo 42 da Lei 11/1983, do 25 de agosto, de reforma universitaria, e demais disposicións que a desenvolven, resolveu nomear a Juan José Pasantes Ludeña profesor titular de universidade da área de coñecemento de xenética, do departamento de Bioquímica, Xenética e Inmunoloxía.

Este nomeamento producirá plenos efectos a partir da correspondente toma de posesión do interesado, que deberá efectuarse no prazo máximo dun mes, contado desde o día seguinte ó da publicación da presente resolución no Boletín Oficial del Estado.

Contra esta resolución que esgota a vía administrativa poderán os interesados interpoñer recurso contencioso-administrativo consonte o establecido na Lei reguladora da xurisdicción contencioso-administrativa, dentro do prazo de 2 meses, contados a partir do día seguinte ó da publicación da presente resolución no Boletín Oficial del Estado.

Vigo, 13 de xaneiro de 1999.

Domingo Docampo Amoedo

Rector da Universidade de Vigo