A Sociedade de Imaxe e Promoción Turística de Galicia, S.A. (Turgalicia) anuncia a convocatoria para a contratación laboral fixa da seguinte praza:
A. Posto: adxunto área de congresos (Ref. Adc-Tur).
1. Funcións principais: labores de apoio á área de congreso e incentivos na realización das tarefas que lle son propias.
2. Prazas: 1.
3. Requisitos:
-FP II ou equivalente.
-Dominio de inglés e galego.
-Coñecementos de informática a nivel usuario.
-Ter realizado cursos específicos do sector turístico.
4. Valorarase:
-Currículum vitae.
-Coñecemento doutro idioma.
-Experiencia no sector turístico.
5. Probas que se realizarán:
-Proba escrita de inglés e galego.
-Proba de Word 97, Excel 97 e Access 97.
-Exame sobre coñecementos dos recursos turísticos galegos.
O temario recóllese no anexo I desta convocatoria.
-Entrevista.
B. Documentación que se presentará:
-Solicitude, indicando no sobre a referencia, dirixida ó xefe da Área Económica e de Persoal de Turgalicia (estrada Santiago-Noia, km 3. A Barcia. 15896 Santiago de Compostela).
-Currículum vitae.
-Acreditación orixinal dos méritos reflectidos nel. Os títulos obtidos no estranxeiro deberán estar validados en España.
C. Prazo de presentación de solicitudes:
-O prazo de presentación de solicitudes será de 15 días naturais contados a partir do seguinte ó da publicación deste anuncio no Diario Oficial de Galicia.
D. Selección:
Expirado o prazo de presentación de solicitudes, o comité de selección designado publicará as listas previas de admitidos e excluídos do proceso.
Santiago de Compostela, 17 de decembro de 1998.
Heriberto Verdes Vilaseca
Director xerente de Turgalicia, S.A.
ANEXO I
Temario: Recursos turísticos de Galicia
1. Xeografía costeira de Galicia. Principais accidentes xeográficos. Espacios naturais.
2. Xeografía interior de Galicia. Principais accidentes xeográficos. Espacios naturais.
3. Arquitectura e escultura relixiosa en Galicia. Estilos e exemplos.
4. Arquitectura civil e popular. Usos e estilos.
5. Museos, coleccións visitables e bibliotecas. Localización e breve descrición (contido e continente).
6. Síntese histórica de Galicia. Principais fitos e figuras.
7. Infraestructura turística. Turismo de costa (especial referencia ó turismo náutico). Turismo de interior: especial referencia ó turismo rural e turismo activo.
8. Infraestructura turística. Turismo de negocios e termal.
9. Rutas turísticas. Cidades e vilas históricas de Galicia.
10. Os Camiños de Santiago. Especial referencia ó Camiño Francés.