Resolución do 27 de novembro de 1998, do Concello de Vilalba, referente á convocatoria para prover en propiedade unha praza de técnico medio de xestión, integrada no grupo B de Administración xeral, subescala de xestión, mediante concurso-oposición restrinxido, polo procedemento de promoción interna, vacante no cadro de persoal deste concello.
No BOP nº 291, do 21 de decembro, publicáronse as bases que rexerán a convocatoria.
As instancias para tomar parte na convocatoria deberán dirixirse ó presidente da corporación, e presentaranse no rexistro xeral do concello ou na forma en que determina o artigo 38.4º da Lei de réxime xurídico das administracións públicas e do procedemento administrativo común, durante o prazo de 20 días naturais, contados a partir da última publicación deste anuncio no BOE ou no DOG.
Vilalba, 7 de xaneiro de 1999.
O alcalde
Rubricado