En sesión ordinaria celebrada o día 25 de xaneiro de 1999, os tribunais número 1 e 2 adoptaron os seguintes acordos:

1º Detectado erro nunha pregunta do cuestionario do exercicio tipo test da fase de oposición que podería condicionar de maneira importante a contestación daquela, e para garantir que na citada proba debe, en todo caso, que se poñan de manifesto as condicións de coñecemento e aptitude dos aspirantes, como esixe a normativa vixente, os ditos tribunais acordan declarar nula e ter como non posta a pregunta 27 do cuestionario I.

2º En consecuencia quedan sen efecto as puntuacións do primeiro exercicio publicadas nos lugares de costume con data 14 de xaneiro de 1999.

3º Publica-las novas puntuacións correspondentes ó primeiro exercicio da fase da oposición nos taboleiros de anuncios da Consellería da Presidencia e Admón. Pública, nos das súas delegacións provinciais, no da Delegación Territorial da Consellería de Pesca, Marisqueo e Acuicultura en Vigo, nas oficinas comarcais da Xunta de Galicia e no mercado de gando de Amio en Santiago de Compostela.

4º Así mesmo queda sen efecto a data da celebración do segundo exercicio adoptada por acordo con data do 13 de xaneiro de 1999, e publicada no DOG con data do 19 de xaneiro de 1999.

5º Sinálase como nova data de celebración do segundo exercicio a de 22 de febreiro de 1999, ás 8.30 horas na Escola Galega de Administración Pública, s/n, en Santiago de Compostela, en chamamento único. As portas de acceso ó lugar para a realización do exame abriranse ás 8 horas.

Santiago de Compostela, 28 de xaneiro de 1999.

Joaquín López-Rúa SolerJavier Suárez García

Presidente do TribunalPresidente do Tribunal

número 1número 2