Bases.
Primeira.-O obxectivo principal da presente convocatoria é a de fomentar e dar a coñece-la arte do gravado, así mesmo amplia-la colección de obra gráfica dos actuais fondos do Museo Municipal.
Segunda.-Poderán concorrer a este certame tódolos artistas de calquera nacionalidade que así o desexen.
Terceira.-A dotación económica dos premios ascende na súa totalidade á cantidade de 1.750.000 ptas.
Primeiro premio: 800.000 ptas. (impostos incluídos).
Segundo premio: 400.000 ptas. (impostos incluídos).
Terceiro premio: 250.000 ptas. (impostos incluídos).
Premio «Xoves artistas galegos» dotado con 100.000 ptas. (impostos incluídos), destinado a premia-la millor obra dun artista nacido en Galicia e que non cumprinse os 26 anos (indispensable enviar fotocopia do DNI).
Dúas mencións de 100.000 ptas. cada unha (impostos incluídos).
Cuarta.-Cada artista poderá presentar unha estampación sobre papel non superior a 100x70 cm asinada polo autor, sen enmarcar (condición indispensable non ter sido presentada a ningún outro concurso) e realizada con posterioridade ó ano 1995.
Quinta.-O certame está aberto a tódalas técnicas gráficas reproducibles (gravado, calcográfico, xilografía, litografía, serigrafía) agás as impresións informáticas de fotografía e de reproducción de ofsset.
Sexta.-Non se aceptarán as probas de estado e os monotipos.
Sétima.-As obras virán acompañadas dunha ficha técnica debidamente cuberta:
Nome do artista.
Domicilio e número de teléfono ou fax.
Prezo de venda.
Técnica utilizada.
Ano de realización.
Fotografía ou diapositiva da obra.
Currículum vitae.
Oitava.-Toda a documentación, conxuntamente coa obra, enviarase a portes pagados ó seguinte enderezo:
Apartado de correos nº 2.
XIII Premio de Gravado Máximo Ramos.
Concello de Ferrol.
15701 Ferrol (A Coruña) España.
Novena.-O prazo de admisión será o comprendido entre a data de publicación no DOG e o 30 de abril de 1999.
Décima.-Da totalidade das obras recibidas, o xurado fará unha selección para concorrer ós premios, participar na mostra e figurar no catálogo con opción por parte do Concello de Ferrol para a adquisición da dita obra.
Décimo primeira.-As obras seleccionadas exporanse no Centro Cultural Municipal na rúa Concepción Arenal da cidade de Ferrol.
Décimo segunda.-O xurado está facultado para a concesión dos premios, así como tamén para declarar deserto calquera deles.
A decisión do xurado será inapelable.
Décimo terceira.-Ó remata-la exposición, tanto as obras seleccionadas como as non seleccionadas polo xurado devolveranse ós seus autores a través do sistema que decida o comité organizador.
Décimo cuarta.-As obras enviadas polo Concello de Ferrol que non cheguen ó seu lugar de orixe, sexan extraviadas ou devoltas ó concello por causas alleas á nosa vontade permanecerán depositadas no Museo Municipal durante un período de 4 meses. De non ser reclamadas polos seus autores neste prazo pasarán a engrosa-lo patrimonio do Concello de Ferrol.
Décimo quinta.-Tódalas obras premiadas quedarán en propiedade do Museo Municipal.
Décimo sexta.-O gañador do primeiro premio, dotado con 800.000 ptas., está obrigado a entrega-la prancha correspondente ó traballo presentado, así como 25 exemplares numerados e asinados.
Décimo sétima.-O xurado estará formado polo alcalde de como presidente ou concelleiro en quen delegue, ademáis dun director técnico e un secretario, así como cinco vocais de recoñecido prestixio no campo das belas artes.
Décimo oitava.-A decisión do xurado darase a coñecer durante os actos de inauguración da exposición.
Décimo novena.-O Concello de Ferrol porá o máximo celo no coidado de tódalas obras, pero non responderá dos desperfectos, roubos ou extravíos que puideran derivarse do seu transporte.
Vixésima.-As decisións do xurado serán inapelables. O alcalde-presidente do concello queda facultado para a adaptación destas bases ás necesidades de organización, sen que en ningún caso tales adaptacións poidan supoñer unha modificación substancial.
Vixésimo primeira.-A presentación das obras a concurso implica a total aceptación das presente bases polos artistas participantes.
Juan Blanco Rouco
Alcalde