De conformidade coa proposta da comisión designada para xulga-lo concurso que convocou esta universidade por Resolución do 4 de marzo de 1998 (BOE do 25 de marzo), para a provisión da praza número 98/008 de profesor titular de universidade da área de coñecemento de antropoloxía social, do departamento de Humanidades desta universidade, a favor de Luis Alberto Gárate Castro, e unha vez que o interesado acreditara os requisitos ós que alude o punto 2º do artigo 5 do Real decreto 1888/1984, do 26 de setembro,

Este rectorado, no uso das atribucións que lle confire o artigo 42 da Lei 11/1983, do 25 de agosto, de reforma universitaria e demais disposicións que a desenvolven, resolveu nomear a Luis Alberto Gárate Castro profesor titular de universidade da área de coñecemento de antropoloxía social, do departamento de Humanidades desta universidade.

A Coruña, 29 de decembro de 1998.

José Luis Meilán Gil

Rector da Universidade da Coruña