Visto o expediente incoado por Dolores Padín Ochoa e María Rosa Padín Ochoa, no que solicitan o cambio de dominio mortis-causa da batea de cultivo de mexillón denominado San Cayetano XIV, outorgado pola orde ministerial do 3-5-1971, situado na cuadrícula nº 2, do polígono H do Grove, rematando a concesión o 12-5-2001, e do que eran titulares Carmen Ochoa Padín e Juan Padín Lijo.
Tendo en conta o informado polo Servicio Técnico-Xurídico e de conformidade co sinalado no artigo 59.3º da Lei 6/1993, do 11 de maio, de pesca de Galicia, e 10.1º do Decreto 406/1996, e considerando que ó expediente figuran unidos o certificado de defunción de Carmen Ochoa Padín, a certificación do Rexistro de Últimas Vontades, o tetamento, a relación de bens, a escritura de partición hereditaria, e a documentación acreditativa da presentación ó pagamento ou pagamento do imposto de sucesións e doazóns, esta consellería tivo a ben acceder ó solicitado, declarando titulares da concesión administrativa e da batea de que se trata, nas mesmas condicións cás expresamente consignadas na orde ministerial de outorgamento, a favor de Dolores Padín Ochoa (76.851.545) e María Rosa Padín Ochoa (76.855.205).
As novas titulares subróganse no prazo, dereitos e obrigas dos anteriores, así como quedan obrigadas
a observa-las disposicións en vigor sobre este particular.
Vigo, 2 de decembro de 1998.
P.D. (Orde do 27-6-1990, DOG 134/10-7-1990)
Rosa Mª Quintana Carballo
Delegada territorial de Pontevedra