Visto o escrito presentado por Ignacio Lapuente Bujía, con enderezo para efectos de notificacións en r/ Manuel Gómez Moreno, s/n, 28020 Madrid, no que solicita autorización administrativa, aprobación do proxecto das novas instalacións electromecánicas e recoñecemento de instalación acollida ó Réxime Especial Producción Eléctrica (REPE) da central hidroeléctrica de Vilasouto, situada no río Mao, concello do Incio, provincia de Lugo, resultan os seguintes

Antecedentes de feito

Primeiro.-O 8 de maio de 1996, Ignacio Lapuente Bujía, en nome e representación de Elecdey, S.L., presentou solicitude de concesión para derivar 3.000 litro/s de auga da presa de Vilasouto, para utilizar na central do pé da presa, con destino á producción de enerxía eléctrica, no termo municipal do Incio, provincia de Lugo, e xunta a documentación esixida no Real decreto 916/1985, do 25 de maio, polo que se establece o procedemento abreviado de tramitación de concesións e autorizacións administrativas para a instalación, ampliación ou adaptación de aproveitamentos hidroeléctricos nos que a potencia nominal non exceda de 5.000 kVA, modificado polo Real decreto 249/1988, do 18 de marzo.

Segundo.-A solicitude de autorización administrativa da central someteuse a trámite de información pública, para os efectos previstos no artigo 9 do Decreto 2617/1966, do 20 de outubro, sobre autorización de instalacións eléctricas, seguindo o procedemento establecido no Real decreto 916/1985, do 25 de maio, xa citado.

Terceiro.-O 6 de xullo de 1998, a Confederación Hidrográfica del Norte resolveu outorgar a Elecdey, S.L. a concesión para aproveitar 3.100 l/s do río Mao, con destino á producción de enerxía eléctrica na central do pé da presa do encoro de Vilasouto, termo municipal do Incio (Lugo), dos cales 3.000 l/s se utilizarán na central que se vai construír augas abaixo do encoro e os 100 restantes turbinaranse nun grupo que se vai instalar ó pé da presa. O tramo afectado polo aproveitamento será o comprendido entre a actual presa de Vilasouto e o punto onde se restitúen as augas á cota 421.

Cuarto.-O 16 de setembro de 1997, a Comisión Galega de Medio Ambiente acordou aproba-lo dictame ambiental correspondente ó dito proxecto.

Quinto.-As instalacións electromecánicas da central hidroeléctrica de Vilasouto, segundo o proxecto da súa execución, asinado polo enxeñeiro de camiños,

canles e portos Javier Moreno Robles e polo enxeñeiro industrial Guillermo Planas Roca, constan dun equipo productivo, que se situará nun edificio de 12x7 m, constituído polos seguintes elementos:

-Dúas turbinas Francis de eixe horizontal, de 722 kW de potencia nominal, velocidade nominal de 750 r.p.m. e salto neto medio de 40 metros.

-Dous xeradores asíncronos trifásicos de 722 kW de potencia, tensión nominal de 600 V e frecuencia 50 H.Z.

-Un grupo turbina-alternador de 45 kW situado ó pé da presa para turbina-lo caudal ecolóxico.

-Un transformador de potencia trifásico de 1.500 kVA, grupo de conexión Dyn11, relación de transformación 0,660/20 kV.

-Unha ponte guindastre monorraíl de 5 metros de luz y 20 Tm de capacidade de elevación.

-Celas de B.T. (de grupos de xeración, de protección, de batería de condensadores, de neutro grupo) e celas de 20 kV (de seccionamento, de medida, de interruptor de liña e proteccións).

-Instalacións de medida, control, protección e manobra.

Sexto.-O 13 de outubro de 1998, o xefe de servicio de industria da Delegación Provincial da Consellería de Industria e Comercio en Lugo emitiu informe favorable, no que propuxo a súa autorización administrativa, aprobación do proxecto de execución e inclusión da dita instalación no réxime especial de instalacións de producción de enerxía eléctrica.

Fundamentos de dereito

Primeiro.-A Dirección Xeral de Industria é competente para resolver este expediente con fundamento no Estatuto de autonomía de Galicia, o Real decreto 2563/1982, do 24 de xullo, o Decreto 132/1982, do 4 de novembro, e o Decreto 99/1998, do 26 de marzo, polo que se establece a estructura orgánica da Consellería de Industria e Comercio, en relación co Decreto 2617/1966, do 20 de outubro, e o Real decreto 916/1985, do 25 de maio, modificado por Real decreto 249/1998, do 18 de marzo, xa citados.

Segundo.-No expediente instruído para o efecto cumpríronse os trámites regulamentarios.

Esta dirección xeral, de acordo con todo o que antecede e no exercicio das competencias que ten atribuídas,

RESOLVE:

1. Autoriza-la instalación dos equipos electromecánicos reflectidos no proxecto denominado minicentral hidroeléctrica do pé da presa do encoro de Vilasouto no río Mao, concello do Incio, provincia de Lugo.

2. Aproba-lo proxecto de execución das instalacións electromecánicas da central hidroeléctrica referida.

3. Recoñecerlle a esta instalación a condición de instalación acollida ó réxime especial do Real decreto 2366/1994, do 9 de decembro, sobre instalacións hidráulicas, de coxeración e outras abastecidas por recursos ou fontes de enerxía renovable, e incluíla no grupo f) do artigo 2º do dito real decreto.

Queda obrigada a empresa titular da instalación, a notifica-lo comezo e remate das obras para a súa inspección e posta en marcha, podendo a Administración autonómica deixar sen efecto a presente resolución, despois do oportuno expediente, no momento que observe incumprimento dos regulamentos, condicionantes técnicos e de seguridade, medidas correctoras establecidas polos organismos e entidades que constan no expediente deste aproveitamento hidroeléctrico.

En contra desta resolución, que non é definitiva en vía administrativa, poderá interpor recurso ordinario, perante o conselleiro de Industria e Comercio da Xunta de Galicia, no prazo dun mes contado desde a súa publicación no Diario Oficial de Galicia, de acordo co disposto no artigo 114 da Lei 30/1992, do 26 de novembro, de réxime xurídico das administracións públicas e do procedemento administrativo común.

Santiago de Compostela, 30 de outubro de 1998.

Joaquín del Moral Crespo

Director xeral de Industria