Examinado o expediente 115A-98/6 relativo ó proxecto de expropiación forzosa de servidume para a rede de sumidoiros nun terreo sito en Mera-Serantes, promovido polo Concello de Oleiros para os efectos que determina o artigo 145.6º da Lei 1/1997, do 24 de marzo, do solo de Galicia (DOG nº 59, do 26 de marzo de 1997) e visto o informe proposto do Servicio de Urbanismo e Arquitectura da Coruña, do 5 de novembro de 1998 e a Orde do 19 de agosto
de 1997, pola que se delegan atribucións en materia de urbanismo nos delegados provinciais (DOG nº 166, do 29 de agosto de 1997).
RESOLVO:
Primeiro.-Aprobar definitivamente o proxecto de expropiación forzosa de servidume para a rede de sumidoiros nun terreo sito en Mera-Serantes no termo municipal de Oleiros, polo procedemento de taxación conxunta previsto nos artigos 145 e seguintes da Lei 1/1997, do 24 de marzo, do solo de Galicia (DOG nº 59, do 26 de marzo de 1997), facendo constar que a aprobación definitiva do expediente de taxación conxunta implicará a declaración de urxencia da ocupación dos bens e dereitos afectados polo proxecto de expropiación de conformidade co establecido no artigo 146 punto 1º da Lei 1/1997, do 24 de marzo.
En consecuencia, o pagamento ou depósito do importe da valoración establecida producirá os efectos previstos nos números 6, 7 e 8 do artigo 52 da Lei de expropiación forzosa, sen prexuízo de que continúe a tramitación do procedemento para a definitiva fixación de prezo xusto (artigo 146 punto 2º da Lei 1/1997, do 24 de marzo).
Segundo.-Notifica-la resolución aprobatoria do expediente a tódolos interesados titularses dos bens e dereitos que figuran nel, conferíndolles un termo de vinte días durante o cal poderán manifestar por escrito ante esta delegación provincial a súa desconformidade coa valoración establecida no expediente aprobado, conforme dispón o artigo 145 punto 7º da Lei 1/1997, do 24 de marzo, advertíndolles que, transcorrido o citado prazo, de vinte días sen que se formule oposición á valoración entenderase aceptada a que se fixou no acto aprobatorio do expediente entendéndose determinado o prezo xusto definitivamente e de conformidade (artigo 145 punto 8º da Lei 1/1997, do 24 de marzo).
Terceiro.-Publica-la presente resolución así como a relación dos seguntes bens e dereitos afectados polo proxecto de expropiación no Diario Oficial de Galicia e no taboleiro de edictos do concello.
Predio nº Propietario Superficie Valoración
Flora Ríos Lago
Manuel González del Río
Manuel Fernández Ríos
Severino Fernández Ríos
Manuel Illanes Casal
A Amelia Ríos Lago
100 m 115.763 ptas.
B Francisco Correa Rey 80 m 92.610 ptas.
Así mesmo, a publicación e exposición no taboleiro de edictos do concello, servirá de notificación ós propietarios descoñecidos, ós de lugar de notificación ignorado, ou ben cando, tramitada a notificación, non se puedese realizar. Todo isto de acordo
co disposto no artigo 59.4º da Lei 3/1992, do 26 de novembro, de réxime xurídico das administracións públicas e do procedemento administrativo común (BOE do 27 de novembro de 1992).
Contra a citada resolución que é definitiva en vía administrativa, cabe interpoñer recurso contencioso-administrativo ante a Sala do Contencioso Administrativo do Tribunal Superior de Xustiza de Galicia, no prazo de dous meses contados a partir da data de notificación desta resolución.
A Coruña, 19 de novembro de 1998.
Jesús Almuiña Loeda
Delegado provincial da Coruña