DOG 4 do 08/01/1999 - RESOLUCIÓN do 28 de decembro de 1998 pola que se anuncia a licitación, polo sistema de concurso aberto, para a contratación das obras de reparación de fachadas nos bloques A-61 a A-64 da rúa de Vilagarcía no polígono de Coia, Vigo. Pontevedra. (Expediente PO-98/REP 03).

VI. ANUNCIOS

DA ADMINISTRACIÓN AUTONÓMICA

INSTITUTO GALEGO DA VIVENDA E SOLO

RESOLUCIÓN do 28 de decembro de 1998 pola que se anuncia a licitación, polo sistema de concurso aberto, para a contratación das obras de reparación de fachadas nos bloques A-61 a A-64 da rúa de Vilagarcía no polígono de Coia, Vigo. Pontevedra. (Expediente PO-98/REP 03).

Obxecto: execución de obras de reparación de fachadas.

Orzamento: cento seis millóns catrocentas vinteúnha mil catrocentas sesenta e oito (106.421.468) pesetas, IVE incluído.

Prazo de execución: doce (12) meses.

Clasificación: grupo C, subgrupo 4, categoría d.

Garantía provisional: dispensada en aplicación do artigo 36.2º da LCAP.

Garantía definitiva: catro millóns duascentas cincuenta e seis mil oitocentas cincuenta e nove (4.256.859) pesetas.

Documentación: os pregos de cláusulas administrativas particulares e de prescricións técnicas que rexerán nesta contratación estarán de manifesto e á disposición dos interesados para o seu exame durante o prazo de presentación de proposicións, nos días e horas hábiles, no rexistro da sede dos servicios centrais do IGVS (Polígono das Fontiñas, Área Central, s/n, Santiago de Compostela).

Presentación de proposicións: as proposicións, que se axustarán ó modelo que se inclúe no correspondente prego de cláusulas administrativas particulares, presentaranse no antedito rexistro, antes das 14 horas do vixésimo sexto (26) día natural contado a partir do seguinte ó da publicación desta resolución no Diario Oficial de Galicia. De coincidir-lo dito día en sábado ou festivo o prazo para a presentación de propostas rematará o primeiro día hábil seguinte. Cando a proposición se envíe por correo, o licitador deberá xustifica-la data de imposición do envío na oficina de correos e anunciarlle ó órgano de contratación a remisión da oferta mediante telegrama ou fax (nº 981 54 19 02) no mesmo día.

Apertura de proposicións: a apertura das proposicións admitidas será realizada pola mesa de contratación, reunida en acto público na sala de xuntas da sede dos servicios centrais do IGVS, ás dez (10) horas do décimo primeiro (11) día natural contado a partir do seguinte ó da finalización do prazo de presentación de proposicións. Se ese día coincidise en sábado ou festivo, a mesa reunirase o primeiro día hábil seguinte á mesma hora.

Anuncio: o importe deste anuncio será por conta do adxudicatario.

Santiago de Compostela, 28 de decembro de 1998.

P.D. (Resolucion 6-4-1995)

José Antonio Redondo López

Director xeral do Instituto Galego da Vivenda

e Solo

11392