A Lei 1/1989, do 2 de xaneiro, de creación do Servicio Galego de Saúde, no seu artigo 4, regula as competencias que lle corresponden á Consellería de Sanidade e Servicios Sociais e, entre elas, na letra m) atribúelle a inspección sanitaria do Sergas, sen prexuízo das competencias da Consellería da Presidencia e Administración Pública.
O Decreto 126/1992, do 14 de maio sobre ordenación das funcións de Inspección da Comunidade Autónoma de Galicia referenda as ditas atribucións e establece:
A necesidade de avalia-la actuación dos centros, servicios e establecementos sanitarios tanto desde o punto de vista da calidade da asistencia prestada, como do gasto realizado e do grao de cumprimento dos obxectivos que se lles marquen ós centros.
O exercicio da tutela, control e avaliación eficiente sobre tódolos centros, servicios e establecementos e prestacións sanitarias de titularidade pública ou privada da Comunidade Autónoma de Galicia.
A inspección e control de todos aqueles aspectos de atención sanitaria recollidos como dereitos dos usuarios na Lei xeral de sanidade.
O Decreto 48/1998, do 5 de febreiro estipula que á Inspección Sanitaria lle corresponde o exercicio das actuacións de Inspección no relativo ós centros, servicios e establecementos sanitarios civís públicos e privados que desempeñen a súa actividade no ámbito da Comunidade Autónoma, así como, neste contexto, a avaliación das súas actividades con especial atención ás prestacións do sistema sanitario público.
Tendo en conta as ditas consideracións e sendo ademais que:
Dado que para levar a cabo a actividade de inspección é imprescindible dispoñer dos recursos humanos suficientes e con formación adecuada, para a súa realización durante 1999 utilizaranse de maneira integral e coordinadamente tódolos efectivos dos que poida dispoñe-la Consellería de Sanidade e Servicios Sociais co fin de cumprir adecuadamente os obxectivos fixados.
É necesario establece-lo Plan de Inspección acorde cos cambios producidos e as novas tendencias xurdidas no ámbito da actividade sanitaria, orientándose así mesmo cara a un papel incentivador e de colaboración ó mesmo tempo respecto ós cometidos de xestión que lle competen ó Servicio de Saúde.
As actividades da Inspección Sanitaria de forma global deben considerarse como garantes da eficacia-eficiencia do sistema sanitario do que se trate.
No momento actual adquire transcendental importancia e relevancia a loita contra a fraude centrada especialmente no control da incapacidade temporal e a prestación farmacéutica, evitando dese modo as posibles desviacións que poidan producirse nas ditas prestacións básicas.
Por outra banda, de conformidade co establecido no artigo 10 do Decreto 48/1998, do 5 de febreiro, polo que se establece a estructura orgánica dos servicios centrais da Consellería de Sanidade e Servicios Sociais, e co obxecto de conformar un marco xeral aplicable a tódalas funcións de inspección atribuídas á Consellería de Sanidade e Servicios Sociais, resulta conveniente incluír, na presente orde, un apartado específico dedicado á inspección no ámbito da saúde pública.
Por todo iso, conforme o establecido no artigo 5 do Decreto 126/1992, do 14 de maio, sobre ordenación das funcións de Inspección de Servicios Sanitarios e no artigo 10 do Decreto 48/1998, do 5 de febreiro, por proposta do secretario xeral,
DISPOÑO:
Artigo único.-Apróbase o Plan de Inspección Sanitaria para 1999, que figura como anexo á presente orde.
Os servicios de inspección sanitaria das direccións provinciais remitiranlle antes do 31 de xaneiro do ano 2000 á Secretaría Xeral da Consellería de Sanidade e Servicios Sociais a memoria anual das actividades dos seus respectivos ámbitos competenciais.
Así mesmo, a memoria anual de actividades da Inspección Sanitaria correspondente a 1999 confeccionarase acorde cos resultados obtidos respecto das actuacións incluídas no plan que se aproba.
Santiago de Compostela, 23 de decembro de 1998.
José María Hernández Cochón
Conselleiro de Sanidade de Servicios Sociais
ANEXO
I.- Ámbito da incapacidade temporal (I.T.) e da saúde laboral.
Fase final da elaboración, posta en marcha e implantación definitiva en tódalas áreas de inspección sanitaria da Comunidade Autónoma, dun novo programa informático de xestión e seguimento de incapacidade temporal, que permita un adecuado control da dita prestación.
(Programa de colaboración entre diferentes unidades da Consellería de Sanidade e Servicios Sociais e do Servicio Galego de Saúde).
Designación dun coordinador de I.T. alomenos en cada unha das xerencias de atención primaria da Comunidade Autónoma.
Realización de cursos de formación dirixidos a médicos de atención primaria para a actualización na xestión, seguimento e control da incapacidade temporal.- (1ª fase.- 7 edicións, 210 facultativos de atención primaria).
Cumprimento dos acordos asumidos pola Comunidade Autónoma co I.N.S.S. dentro do pacto de financiamento sanitario para a reducción do absentismo por incapacidade temporal:
Subprogramas de reducción da taxa global de absentismo tanto do persoal dos centros propios do Sergas como da poboación xeral.
Realizar entrevistas ó 100% dos facultativos de atención primaria en materia de control da incapacidade temporal, priorizando as ditas entrevistas cos maiores prescritores de baixas laborais.
Subprogramas de desenvolvemento de actividades de información en materia de incapacidade temporal para profesionais sanitarios de atención primaria.
Respostas nos prazos legais establecidos ó 100% das propostas de alta emitidas polas entidades xestoras e o 100% das intencións de alta implantadas polo R.D. 1117/1998.
Subprogramas de revisións de tódolos procesos de incapacidade temporal ó alcanza-la duración estándar y de revisións regulamentarias de tódolos procesos.
Elaboración dunha guía das duracións estándar teóricas das patoloxías máis frecuentes en Galicia susceptibles de provocar procesos de incapacidade temporal.
Programa especial e monográfico do control de absentismo por incapacidade temporal do persoal da Xunta de Galicia.
Regulación normativa e requisitos sanitarios para autorización-acreditación dos servicios de prevención de riscos laborais que se constitúan na Comunidade Autónoma. Realización de inspeccións ós ditos servicios previas á súa autorización sanitaria.
II.- Ámbito da prestación farmaceutica.
Control da calidade da facturación das receitas oficiais.
Verificación de estaren correctamente cubertas as receitas oficiais polos facultativos médicos.
Seguimento da utilización dos talonarios de receitas oficiais por parte dos colexiados médicos xubilados.
Realización da segunda fase do programa de inspección e control dos depósitos de medicamentos e productos sanitarios nos establecementos hospitalarios que carezan de servicios de farmacia autorizados.
Control das boticas anexas e depósitos de medicamentos nos centros sociosanitarios.
Realización da segunda fase do programa de verificación da presencia e actuación profesional do farmacéutico na dispensación de medicamentos ó público e da correcta identificación do persoal facul
tativo e auxiliar nas oficinas de farmacia, como validación da adecuada atención farmacéutica ó usuario.
III.- Ámbito de concertos.
Promove-la concertación da prestación de servicios sociosanitarios nas áreas de Vigo e Pontevedra.
Promove-la concertación de servicios de fisioterapia e rehabilitación funcional na área sanitaria de Vigo.
Implantación de novos concertos na área sanitaria de Pontevedra para:
A realización de procesos asistenciais traumatolóxicos urxentes derivados dos hospitais Montecelo e Provincial.
A realización de procesos de cirurxía potencialmente ambulatoria.
A prestación da asistencia sanitaria a pacientes procedentes das listas de espera dos hospitais Montecelo e Provincial.
Informatiza-la actividade derivada a centros concertados para tratamento rehabilitador e logopedia na provincia de Pontevedra.
Avaliación do CMBD en tódolos centros concertados da provincia de Pontevedra.
Avaliación do programa de cirurxía maior ambulatoria no centro hospitalario Povisa.
Avaliación do grao de calidade asistencial nos centros concertados da provincia de Pontevedra a partir da análise da historia clínica e do estudio da formalización do consentimento informado.
Elabora-los protocolos de control de calidade, con indicadores específicos á singularidade de cada tipo de concerto, que sirva de base de traballo para as visitas de inspección e control que se programen na provincia da Coruña para os ditos centros concertados.
Implantación dun programa de seguimento da asistencia global e continuada por cada paciente atendido na Fundación Centro Oncolóxico de Galicia.
Implantación dun programa especial de seguimento da facturación da Fundación Centro Oncolóxico de Galicia.
Verifica-lo grao de implantación do consentimento informado e codificación informes de alta nos centros concertados da provincia de Ourense.
Promove-la actualización dos concertos mediante o establecemento de concertos singulares na provincia de Lugo.
Informatización dos datos de actividade remitidos ós hospitais concertados Polusa e Nosa Señora dos Ollos Grandes.
Programa de cuantificación e estudio de reingresos habidos en hospitais do Sergas de pacientes intervidos en centros concertados.
IV.- Ámbito das prestacións sanitarias non farmacéuticas, incluíndo a tutela dos dereitos dos usuarios e a mellora da calidade asistencial.
Actualización e revisión da circular 1/1998 da Secretaría Xeral da Consellería de Sanidade e Servicios Sociais sobre procedemento disciplinario ó persoal facultativo do Servicio Galego de Saúde.
Análise e estudio cuantitativos e cualitativos das reclamacións dos usuarios do Sergas para efectos de localiza-las áreas e motivos que determinan a interposición delas.- Análise especial das reclamacións de danos e prexuízos tramitadas para efectos de esixencia de responsabilidade patrimonial.
Fixa-lo tempo medio de tramitación dos reintegros de gastos ortoprotésicos en 30 días na provincia de Pontevedra.
Fixa-lo tempo medio de tramitación dos reintegros de gastos por transporte sanitario en 20 días na provincia de Pontevedra.
Implanta-lo rexistro de transporte sanitario programado, incluíndo o 100% dos usuarios desta prestación na provincia de Pontevedra.
Reducción do gasto en transporte programado dentro da provincia de Pontevedra nun 15%.
Reduci-las derivacións fóra da provincia de Pontevedra a centros alleos ó Servicio Público de Saúde nun 40%.
Incrementar na provincia de Pontevedra a cobertura asistencial dentro da Comunidade Autónoma galega ata o 65% do total das consultas e tratamentos que na actualidade se derivan fóra de Galicia.
Consolida-lo transporte sanitario colectivo nos desprazamentos para tratamentos prolongados, e avalia-la calidade dos servicios prestados na provincia da Coruña.
Implantación dun programa único de facturación para tódalas empresas de ambulancias na provincia da Coruña.
Posta en marcha dun programa informático que permita realizar un control económico e de calidade do transporte sanitario en ambulancia na provincia da Coruña.
Posta en marcha do aplicativo de reintegro de gastos de transporte sanitario.
Estudio e análise das posiblidades de concerto para o transporte sanitario en ambulancia no ámbito da provincia da Coruña.
Posta en marcha do aplicativo de reintegro de gastos do material ortoprótesico.
Seguimento da evolución mensual do número de visados e do gasto xerado pola totalidade dos visados na provincia da Coruña.
Estudio e avaliación dun novo aplicativo informático para o control do visado.
Estudio e avaliación dun novo aplicativo informático para o control dos tratamentos domiciliarios con terapias ventilatorias.
Consolidar nas áreas sanitarias de Santiago e Ferrol os controis gasométricos dos pacientes en programa de osixenoterapia domiciliaria.
Estudio e análise do aumento progresivo e continuo do número de pacientes con terapias ventilatorias domiciliarias.
Estudio e avaliación dun novo aplicativo informático para o control dos reintegros de gastos de medicina privada.
Reduci-lo consumo de tiras reactivas de glicemia na provincia de Ourense.
Diminuír ó máximo na provincia de Ourense o desvío de pacientes por falta de camas en centros propios, unha vez consolidada a xerencia única do complexo hospitalario ourensán.
Estudio da canalización de pacientes a servicios sanitarios extraprovinciais na provincia de Ourense.
Avaliación da demanda asistencial mediante o estudio das solicitudes de reintegro de gastos na provincia de Ourense.
Posta en funcionamento do programa de osixenoterapia e revisa-lo 30% do total de pacientes en osixenoterapia na provincia de Lugo.
Reducir a un máximo de 40 días a tramitación de expedientes de reintegro de gastos por desprazamentos na provincia de Lugo.
Enquisa de satisfacción do usuario ós pacientes remitidos ós centros concertados de fisioterapia, cirurxía maxilofacial e logopedia da provincia de Lugo.
Avaliación e análise dos criterios respecto dos que se prescribe transporte sanitario programado, así como a utilización que dos mesmos se realiza por parte dos facultativos do Servicio Galego de Saúde.
Avaliación e análise das derivacións que se producen desde os centros do Servicio Galego de Saúde a clínicas privadas en aqueles supostos nos que existe un terceiro obrigado ó pagamento da asistencia sanitaria.
Avaliación e análise das prestacións que se realizan en osixenoterapia a través de servicios concertados.
V.- Ámbito da avaliación sanitaria e da autorización e acreditación de centros sanitarios.
Realización da 2ª fase de inspección dos centros sanitarios públicos e privados de reproducción humana asistida.
Programa específico da avaliación e inspección dos centros sanitarios públicos de reproducción humana asistida autorizados en 1998.
Avaliación da carteira de servicios de tódolos centros do Sergas tanto de atención especializada como de atención primaria.
Avaliación da actividade levada a cabo polos servicios de rehabilitación dos hospitais do Sergas durante o bienio 1997-1998.
Regulación normativa e requisitos esixibles para a autorización sanitaria dos establecementos de ortopedia da Comunidade Autónoma.
Actualización e revisión da normativa reguladora actualmente vixente na Comunidade Autónoma sobre autorización de centros, servicios e establecementos sanitarios.
Subprograma de revisión do rexistro de centros sanitarios da Consellería de Sanidade e Servicios Sociais.
Elaboración da regulación normativa, posta en marcha e implantación dun programa de acreditación sanitaria de centros hospitalarios tanto públicos como privados na Comunidade Autónoma de Galicia.
Programa de inspeccións de seguimento e control a diversos centros, servicios e establecementos sanitarios da Comunidade Autónoma.
Subprograma especial de promoción de legalización administrativa de Centros Sanitarios da Comunidade Autónoma.
Continuación do programa especial de promoción das autorizacións sanitarias dos establecementos balnearios.
(Programa de colaboración entre diferentes unidades da Consellería de Sanidade e Servicios Sociais).
VI.- Ámbito de saúde pública.
1.- Plan de inspección de actuacións preventivas.
Control da publicidade do tabaco mediante inspeccións mensual do 100% das valadas e mobiliario urbano definido como
Inspección do 100% dos locais con máquinas de venda de tabaco definidos como
Tramitación do 100% das denuncias en materia de publicidade ou venda de tabaco que se realicen por terceiros.
2.- Plan de protección da saúde fronte a riscos xerais.
Inspección do 100% das industrias alimentarias suxeitas á obriga de inscrición no Rexistro Sanitario de Alimentos.
Control documental diario en salas de despezamento de carnes.
Control documental semanal en almacéns frigoríficos de carne.
Control documental mensual en centros de depuracón e/ou expedición e cocedoiros de moluscos bivalvos.
Control documental bimestral en cocedoiros de mariscos (crustáceos e angulas).
Control documental trimestral en industrias cárnicas; lácteas; ovos e ovoproductos; augas de bebida envasada e demais industrias alimentarias sen implantación de programas de autocontrol.
Toma de mostras e análise de productos en mercado.
Toma de mostras e análise, cada dous ou tres meses, en depuradoras e cocedoiros, tanto bivalvos como de crustáceos e angulas.
Tramitación do 100% das redes de alerta comunicadas a través do Sistema Coordinado de Intercambio Rápido de Informacion (SCIRI).
Cumprimento do 100% das mostraxes e análises do Plan Nacional de Investigación de Residuos.
3.- Plan de protección da saúde fronte a riscos específicos.
Inspección do 100% dos establecementos de actividades de ocio.
Cámpings e acampamentos xuvenís.
Restauración colectiva.
Picinas de uso colectivo.
Inspección e toma de mostras de auga do 100% das zonas de baño marítimas e fluviais.
Inspección do 100% dos centros escolares e garderías infantís.
11901
