O Concello Pleno, en sesión celebrada o día 27 de novembro de 1998, aprobou o prego de condicións económico-administrativas para a contratación por concurso, procedemento aberto e trámite de urxencia, para as obras de dotación de vestiarios e outros servicios ó circuíto de auto-cross de Carballo 1ª fase, o cal se expón ó público polo prazo de oito días contados a partir do seguinte ó da inserción deste anuncio no BOP, para que poidan presentarse reclamacións.
Simultaneamente anúnciase concurso público, aínda que a licitación se aprazará, canto resulte necesario, no suposto de que se formulen reclamacións contra o prego de condicións.
Tipo de licitación: 5.467.074 pesetas, realizándose a mellora mediante baixa respecto a este tipo.
Prazo de execución: 3 meses.
Fianza provisional: 109.342 pesetas.
Fianza definitiva: 4% do orzamento do contrato.
Apertura de plicas: a apertura de plicas terá lugar na Casa do Concello ás 12 horas do terceiro día seguinte hábil a aquel en que remate o prazo de presentación de propostas, salvo se é sábado, caso en que se trasladará ó luns seguinte.
Proposicións:
Lugar e prazo de presentación: presentarase no rexistro xeral da corporación en horario de 9 a 14 horas, dentro do prazo dos trece días naturais contados desde o día seguinte á última publicación do presente anuncio no DOG, BOP ou prensa.
Documentación:
Presentarase en tres sobres pechados:
Sobre A: subtitulado «Oferta económica».
Sobre B: subtitulado «Personalidade xurídica e xustificantes».
Sobre C: subtitulado «Referencias técnicas».
e axustados ó modelo que figura no prego de condicións que se encontra exposto ó público nas oficinas xerais do concello.
Tódolos anuncios serán por conta do adxudicatario.
Carballo, 2 de decembro de 1998.
Manuel Varela Rey
Alcalde
11567