De conformidade coa disposición adicional da Orde do 14 de xaneiro de 1998, pola que se fixan os períodos hábiles de pesca e normas relacionadas con ela nas augas continentais da Comunidade Autónoma de Galicia durante a temporada de 1998, na que se faculta o delegado provincial da Consellería de Medio Ambiente en Pontevedra para dictar cantas normas sexan necesarias para a regulación da pesca da lamprea no río Ulla, e co obxecto de que se realice un aproveitamento ordenado desta pesquería, establécese un réxime especial de pesca da antedita especie para o vindeiro ano 1999 nos tramos e coas limitacións que a continuación se indican, ás que se deberán ate-las persoas autorizadas como titulares así como as autorizadas para pescar nelas:

-Nas pesqueiras de Areas e Vellas deberán deixar libre a canle central do río, e non se poderá faenar na denominada «vea».

-O período de pesca será: desde o lugar de Areas (Herbón) ata o lugar denominado Bellas, ambos inclusive, do día 11 de xaneiro ó 31 de marzo; e no tramo comprendido desde o Canal de Herbón ata o lugar de Sinde, do 15 de febreiro ata o 30 de abril.

-A pesca só poderá practicarse desde as pesqueiras tradicionais, detalladas no anexo, e deberanse empregar redes que non causen dano a outras especies piscícolas.

-As redes só poderán estar colocadas desde as 20 ata as 8 horas.

-Prohíbese a realización dos labores de pesca, debendo levantarse as redes das pesqueiras, desde as 8 horas dos sábados ata as 20 dos luns.

-Toda persoa que faene nas pesqueiras deberá estar en posesión da correspondente licencia de pesca e do permiso de 4ª categoría para cada día e pesqueira, documentos que deberá levar consigo xunto co DNI durante a práctica desta actividade.

-Serán devoltos ás augas ou entregados ós axentes que o soliciten todos aqueles exemplares piscícolas que no sexan as lampreas capturadas nas pesqueiras.

-En todo momento deberán colaborar cos axentes de M.A.N. da Consellería de Medio Ambiente, seguindo as súas instruccións.

-O mesmo día que remate o réxime especial, procederase a retira-las artes de pesca.

As infraccións contra esta regulación serán sancionadas de conformidade co establecido na Lei 7/1992, do 24 de xullo, de pesca fluvial. Polo uso indebido da pesqueira responderá o seu titular, se nun mesmo posto hai varios titulares, responderán conxunta e solidariamente.

Os permisos para toda a temporada estarán á venda unicamente do 21 de decembro do 1998 ata o 8 de xaneiro de 1999 para as pesqueiras de Areas ata as Vellas, ambas inclusive, e do 26 de xaneiro ata o 9 de febreiro de 1999 no tramo comprendido desde a Canle de Herbón o lugar de Sinde, e non se despacharán máis permisos transcorrido o dito prazo.

No caso de que a pesqueira a traballe unha persoa distinta do seu titular, aquel, para a obtención dos citados permisos, deberá acreditar no Servicio de Medio Ambiente Natural estar autorizado polo do titular desta.

Pontevedra, 9 de decembro 1998.

José Luis Díez Yáñez

Delegado provincial de Medio Ambiente

ANEXO

Pesqueiras de Herbón

ANEXO

Pesqueiras de Carcacía-Lapido

ANEXO

Pesqueiras de A Barcala

ANEXO

Pesqueiras de Sinde-Reis

11523