A obtención das autorizacións necesarias para a creación, modernización, ampliación e innovación tecnolóxica das instalacións de acuicultura require de procedementos complexos que, xeralmente, precisa de amplos prazos para a súa resolución debido ás especiais características de situación, tecnoloxía e especialización dos ditos establecementos.
Por iso, e co obxecto de poder cumprir axeitadamente os obxectivos da Orde do 12 de febreiro de 1998 pola que se establecen as normas para a concesión de axudas a investimentos no ámbito da acuicultura,
DISPOÑO:
De acordo co establecido no artigo 49 da Lei 30/1992, de 26 de novembro, de réxime xurídico das administracións públicas e do procedemento administrativo común, amplíase en vintecinco días naturais o prazo para achega-las autorizacións requiridas no punto f) do artigo 7 da Orde do 12 de febreiro de 1998 (DOG nº 145, do 29 de xullo), pola que se establecen as normas para a concesión de axudas a investimentos no ámbito da acuicultura.
Disposición derradeira
A presente disposición entrará en vigor o día da súa publicación no Diario Oficial de Galicia.
Santiago de Compostela, 18 de decembro de 1998.
Amancio Landín Jaráiz
Conselleiro de Pesca, Marisqueo e
Acuicultura
11624