Aprobado con carácter inicial por resolución da alcaldía-presidencia do catro de novembro de 1998 o estudio de detalle, na rúa Consistorio para precisar aliñacións de edificio así como a ordenación volumétrica e rasantes, dado que nas vixentes normas de ordenación subsidiarias de planeamento de Ares a zona de actuación urbanística está supeditada ó desenvolvemento de estudio de detalle, redactado polo arquitecto José Antonio Canedo Zapata, debidamente visado polo Colexio Oficial de Arquitectos de Galicia, faise público ó abeiro dos artigos 34 e 43.3º da Lei 1/1997, do 24 de marzo, do solo de Galicia e 140 do Regulamento de planeamento urbanístico:
Primeiro.- Suspéndese o outorgamento de licencia de parcelación de terreos, edificación e demolición na zona delimitada polo estudio de detalle, polo prazo dun ano, se ben a dita suspensión se extinguirá coa aprobación definitiva do estudio de detalle.
Segundo.-Sométese a información pública durante o prazo dun mes a presente aprobación inicial, mediante anuncio publicado no DOG, no BOP e nun xornal dos de maior difusión da provincia para efectos de alegacións.
Ares, 4 de novembro de 1998.
José Juan Vilasánchez Pazos
Alcalde-presidente
11530