A Orde do 7 de maio de 1998 (DOG do 26 de maio), pola que se convocan e aproban as bases que rexerán as convocatorias de bolsas e axudas de apoio á formación e actualización do profesorado universitario prevé, respectivamente, nos seus anexos I, II e III, a concesión de bolsas para actualización do profesorado respecto da materia que imparten, axudas para a formación de profesores en novas titulacións e axudas para o financiamento de estadías de profesores visitantes.

Na súa virtude, de acordo co establecido nas bases da convocatoria, e atendendo a proposta da comisión avaliadora, nomeada para o efecto mediante Orde do 22 de xullo de 1998 (DOG do 8 de setembro), esta dirección xeral

RESOLVE:

Primeiro.-Concederlles unha bolsa para actualización do profesorado respecto da materia que impar

ten ás persoas que se relacionan no anexo I á presente resolución, para realizar unha estadía no centro que se sinala, a partir da data e durante o período que se especifica e na contía que se indica en cada caso.

Segundo.-Declarar deserto o concurso correspondente á concesión de axudas para a formación de profesores en novas titulacións, por non terse presentado ningunha solicitude.

Terceiro.-Concederlles unha bolsa para o financiamento de estadías de profesores visitantes ás persoas que se relacionan no anexo II á presente resolución, para realizar unha estadía a partir da data que se sinala, polo tempo que se especifica e na contía que se indica en cada caso.

Cuarto.-O pagamento das bolsas ás que se refiren os apartados primeiro e terceiro farase de acordo co establecido nas respectivas bases da convocatoria.

Quinto.-A inobservancia por parte dos beneficiarios de calquera das bases establecidas na orde da convocatoria do 7 de maio suporá a perda do dereito a percibi-la subvención correspondente.

Sexto.-Contra a presente resolución os interesados poderán interpoñer recurso ordinario perante o conselleiro de Educación e Ordenación Universitaria no prazo dun mes contado a partir do día seguinte ó da publicación da presente resolución no DOG, de acordo co disposto nos artigos 114 e seguintes da Lei 30/1992, de réxime xurídico das administracións públicas e do procedemento administrativo común.

Disposición derradeira

A presente resolución entrará en vigor o día seguinte ó da súa publicación no Diario Oficial de Galicia.

Santiago de Compostela, 20 de novembro de 1998.

José Eduardo López Pereira

Director xeral de Universidades

ANEXO I

BOLSAS PARA A ACTUALIZACIÓN DE PROFESORADO RESPECTO DA MATERIA QUE IMPARTEN. CONVOCATORIA DE 1998 (ORDE DO 7 DE MAIO DE 1998. DOG DO 25 DE MAIO)

Universidade da Coruña

Universidade de Santiago de Compostela

ANEXO II

BOLSAS PROFESORES VISITANTES. CONVOCATORIA DE 1998 (ORDE DO 7 DE MAIO DE 1998. DOG DO 25 DE MAIO)

Universidade de Santiago de Compostela

Universidade da Coruña

Universidade de Vigo

11192