Examinado o expediente incoado pola titularidade do centro privado Mariano de Vigo, no que solicita a ampliación dunha unidade de educación infantil e dúas unidades de educación primaria.
Resultando que o expediente foi tramitado pola Delegación Provincial de Educación e Ordenación Universitaria de Pontevedra que o envía cos informes emitidos pola Inspección de Educación e pola Unidade Técnica.
Vistos a Lei orgánica 1/1990, do 3 de outubro, de ordenación xeral do sistema educativo (BOE do 4), o Real decreto 1004/1991, do 14 de xuño (BOE do 26), a disposición derradeira primeira do Decreto 133/1995, do 10 de maio (DOG do 22), a Orde do 20 de setembro de 1995 (DOG do 15 de decembro), polo que se desenvolve o antedito decreto.
Considerando que o devandito centro privado ten autorización definitiva para impartir educación infantil e educación primaria.
Esta dirección xeral, ó abeiro da disposición derradeira primeira da Orde do 20 de setembro de 1995,
RESOLVE:
Autoriza-la ampliación dunha unidade de educación infantil e dúas unidades de educación primaria ó centro privado que se relaciona no anexo da presente resolución, facendo constar que, para a súa posta en funcionamento, a titulación do profesorado deberá axustarse ó establecido no Real decreto 1004/1991.
Santiago de Compostela, 17 de novembro de 1998.
Severino Somoza Gómez
Director xeral de Centros e Inspección Educativa
ANEXO
Provincia: Pontevedra.
Concello: Vigo.
Localidade: Vigo.
Enderezo: Urzáiz, 122.
Denominación: Mariano.
Titular: Congregación R.R. Franciscanas M.D. Pastor.
Nivel: educación infantil-2º ciclo.
Unidades de que constaba: 5.
Unidades novas autorizadas: 1.
Total de unidades autorizadas: 6.
Nivel: educación primaria.
Unidades de que constaba: 16.
Unidades novas autorizadas: 2.
Total de unidades autorizadas: 18.
Composición resultante:
Centro de educación infantil: 6 unidades.
Centro de educación primaria: 18 unidades.
Centro de educación secundaria: 12 unidades de educación secundaria obrigatoria.
Centro de bacharelato de 4 unidades coas modalidades seguintes: ciencias da natureza e da saúde e humanidades e ciencias sociais.
11283
