O Pleno da Corporación Municipal de Boiro, en sesión celebrada o 27 de agosto de 1998, acordou a cesión á Comunidade Autónoma de Galicia dunha parcela de terreo para a construcción dun centro de ensino secundario.

Conforme os artigos 17.1º da Lei 3/1985, do 12 de abril, do patrimonio da Comunidade Autónoma galega, e 34 do seu regulamento, aprobado polo Decreto 50/1989, do 9 de marzo, a adquisición pura e simple de bens a título gratuíto ou lucrativo requirirá decreto do Consello da Xunta da Xunta de Galicia, por proposta do conselleiro de Economía e Facenda. Así mesmo, os artigos 23.1º da dita lei e 38.1º do regulamento establecen que non se poderán adquirir bens ou dereitos a título lucrativo cando o valor dos gravames, cargas ou afeccións impostos sobre eles sobrepase o seu valor intrínseco; ben que non se consideran carga, gravame ou afección os investimentos que teña que realiza-la Comunidade Autónoma para da-lo destino de uso xeral ou servicio público da súa competencia que fixe o cedente ou doador.

Na súa virtude, de conformidade coa proposta do conselleiro de Economía e Facenda, feita nos termos nos que o Concello de Boiro (A Coruña) acordou a cesión e logo de deliberación do Consello da Xunta de Galicia na súa reunión do día vintesete de novembro de mil novecentos noventa e oito,

DISPOÑO:

Artigo 1º

Acéptase, nos termos fixados no acordo do pleno do Concello de Boiro (A Coruña), a cesión gratuíta feita polo dito concello a favor da Comunidade Autónoma de Galicia dunha parcela situada na zona da Cachada, lugar de Tenencia, termo municipal de Boiro (A Coruña), dunha superficie aproximada de 10.178 m. Linda ó norte, máis do Concello de Boiro; ó sur, futura rúa nº 4 e detrás propiedades particulares; ó leste, máis do Concello de Boiro; e ó oeste, futura rúa nº 18 e detrás, propiedades particulares.

O predio matriz, do que se segregará a parcela cedida, figura inscrito no Rexistro da Propiedade de Noia, no tomo 948 do arquivo, libro 156 do Concello de Noia, folio 69, predio nº 14.212, inscrición 1ª.

Artigo 2º

O inmoble cedido destinarase á construcción pola Consellería de Educación e Ordenación Universitaria dun centro de ensino secundario.

Artigo 3º

A Consellería de Economía e Facenda, a través da Secretaría Xeral e do Patrimonio, procederá á formalización da cesión no correspondente documento público e a inscrición do ben no Rexistro da Propiedade a nome da Comunidade Autónoma.

Disposición derradeira

A Consellería de Economía e Facenda, a través da Secretaría Xeral e do Patrimonio, levará a cabo

tódolos trámites necesarios para a efectividade do presente decreto.

Santiago de Compostela, vintesete de novembro de mil novecentos noventa e oito.

Manuel Fraga Iribarne

Presidente

José Antonio Orza Fernández

Conselleiro de Economía e Facenda

11191