José Espinosa Lozano, maxistrado-xuíz do Xulgado de Primeira Instancia e Instrucción número un dos

de Santiago de Compostela e o seu partido, fai saber:

Que nos autos de xuízo de menor contía, seguidos neste xulgado co número 91/1998, se dictou sentencia con data do 9 de outubro de 1998, que ten o encabezamento e resolución do teor literal seguinte:

«Vistos por José Espinosa Lozano, maxistrado-xuíz do Xulgado de Primeira Instancia e Instrucción número un desta cidade e o seu partido, os presentes autos de xuízo declarativo de menor contía, seguidos neste xulgado baixo o número 91 de 1998, entre partes, dunha, como demandante, Dolores Nieves Vieites, que consta como nai e legal representante do seu fillo menor de idade non-emancipado, Diego Nieves Vieites, representada en autos polo procurador Merelles Pérez, baixo a dirección do letrado Carballal Paradela, e doutra, como demandados, Carmen Nande de la Fuente, Margarita Nande Nande, Mercedes Nande Nande e os posibles e ignorados herdeiros, así coma cantos outros puidesen ter interese na herdanza de José Ramón Nande de la Fuente, non comparecidos e en situación procesual de rebeldía, coa intervención do Ministerio Fiscal, sobre reclamación de filiación non-matrimonial.

Decisión, coa estimación parcial da demanda, declaro que o neno Diego Nieves Vieites é fillo lexítimo, por filiación non-matrimonial de José Ramón Nande de la Fuente, polo que procede modifica-los seus apelidos de maneira que o primeiro pase a se-lo paterno Nande e o segundo o materno Nieves, de xeito que no sucesivo pase a chamarse Diego Nande Nieves, procedendo para o efecto, e no momento da firmeza desta resolución, a expedir exhorto ó rexistro civil onde consta o nacemento do menor, co testemuño desta, para a inscrición marxinal correspondente, e cumprimento en canto ó cambio de apelidos e determinación paterna respecta, debendo os demandados estar e pasar por iso, non se facendo expresa imposición de custas, e deixando a salvo acción para promover acta de notoriedade.

Lévese certificación desta sentencia ó proceso principal, e fágaselles saber ás partes que non é firme e que contra a ela cabe recurso de apelación dentro do prazo de cinco días, para ante a Audiencia Provincial da Coruña.

Así, por esta miña sentencia, definitivamente xulgando en primeira instancia, pronúncioa, mándoa e asínoa».

A anterior sentencia foi publicada no mesmo día da súa data.

E para que lles sirva de notificación ós demandados herdeiros ignorados de José Ramón Nande de la Fuente, expido o presente edicto que asino e selo en Santiago de Compostela o vinteseis de outubro de mil novecentos noventa e oito.

O maxistrado-xuíz

Rubricado

O secretario

Rubricado

9670