Por Orde do 5 de setembro de 1998 (DOG do 17 de setembro), convocaranse bolsas para a asistencia a congresos, simposios, seminarios ou cursos monográficos para investigadores non vinculados ás universidades galegas.
As solicitudes admitidas para participar neste concurso foron estudiadas pola Comisión de Selección de Investigación creada por Decreto 37/1998 do 30 de xaneiro (DOG do 6 de febreiro) e orde da Consellería da Presidencia e Administración Pública do 21 de abril de 1998 (DOG do 12 de maio), que elaborou a correspondente proposta de resolución.
En consecuencia, atendendo á citada proposta, esta secretaría xeral
RESOLVE:
Primeiro.-Concederlles axudas para a asistencia a congresos, simposios, seminarios ou cursos monográficos ás persoas que se relacionan no anexo a esta resolución e na contía que se especifica.
Segundo.-As subvencións de que se trata faranse efectivas mediante libramento único e directo ós beneficiarios sempre que cumpran os requisitos establecidos no punto 6 das bases da convocatoria.
Terceiro.-A inobservancia por parte dos beneficiarios de calquera das bases establecidas na orde de convocatoria, do 5 de setembro de 1998, suporá a perda do dereito a percibi-la subvención correspondente.
Cuarto.-Contra esta resolución poderán os interesados interpoñer recurso ordinario ante o conselleiro da Presidencia e Administración Pública no prazo dun mes contado a partir do día seguinte ó da súa data de publicación no DOG, de acordo co disposto nos artigos 114 e seguintes da Lei 30/1992,
de réxime xurídico das administracións públicas e do procedemento administrativo común.
Disposición derradeira
Esta presente resolución entrará en vigor o día seguinte ó da súa publicación no Diario Oficial de Galicia.
Santiago de Compostela, 20 de novembro de 1998.
Miguel A. Ríos Fernández
Secretario xeral de Investigación
e Desenvolvemento
ANEXO
(ptas.)
Apelidos e nome Sede do evento Axuda
García Rodríguez José Francisco Granada (España) 60.000 Figueras Huerta Antonio Weymouth (Reino Unido) 85.000 Novoa García Beatriz Weymouth (Reino Unido) 85.000 Piñeiro González Carmen Lugo (España) 20.000 Alonso Santos Margarita Coímbra (Portugal) 55.000 Díaz Pereira Almudena Málaga (España) 60.000 Aubourg Martínez Santiago Pedro Lugo (España) 20.000 Pérez Rodríguez Guillermo Andrés Segovia (España) 55.000 Valcárcel Juárez Víctor Segovia (España) 55.000 Aguín Casal Olga María Salamanca (España) 50.000 González Moraleja Julio Granada (España) 60.000 González González Ángel Francisco Cascais (Portugal) 55.000 Pastoriza Enríquez Laura Karlsruhe (Alemania) 85.000 Rodríguez Hernández Francisco José Madrid (España) 50.000
10927