A orde da Consellería de Economía e Facenda do 31 de marzo de 1998 (DOG nº 81, do 29 de abril) que desenvolve no ámbito da Comunidade Autónoma de Galicia as bases reguladoras das axudas previstas no Real decreto 937/1997, do 20 de xuño, e realiza a súa convocatoria para 1998, estableceu o 30 de xuño de 1998 como prazo final de presentación de solicitudes. O dito prazo foi ampliado ata o 30 de outubro de 1998 mediante a Orde do 30 de xuño de 1998 (DOG nº 130, do 8 de xullo) e posteriormente ata o 30 de novembro de 1998 mediante a Orde do 23 de outubro de 1998 (DOG nº 210, do 20 de outubro).
En tanto exista crédito orzamentario suficiente, estímase conveniente da-la oportunidade de acollerse ós beneficiarios deste programa de axudas a todos aqueles posibles beneficiarios que cumpran os requisitos establecidos nas bases da convocatoria.
Por todo o exposto,
DISPOÑO:
Artigo único.-Amplíase ata o 30 de decembro de 1998 o prazo para a presentación de solicitudes de
axuda ó abeiro do programa Iniciativa PEME de Desenvolvemento Empresarial convocado mediante a orde da Consellería de Economía e Facenda do 31 de marzo de 1998.
A concesión das axudas solicitadas condiciónase á existencia de crédito orzamentario suficiente.
Santiago de Compostela, 24 de novembro de 1998.
José Antonio Orza Fernández
Conselleiro de Economía e Facenda
10450